Meamalie

Faamāmā Lau Avega

O le agasala o le taimi lea tatou te filifili ai e le mulimuli i poloaiga a le Atua. E mafai ona pei o se avega mamafa. Pe a tatou salamo ma mulimuli ia Iesu Keriso, Na te aveesea le avega o a tatou agasala.

1. Sue se taga po o se atofaafafa ma ni mea mamafa, e pei o ni maa po o ni apa meaai.

2. Oti ese faailoga o loo i lalo. Faapipii ia mea taitasi i se apa po o se maa.

3. Faitau faailoga taitasi, ona tuu lea o le apa po o le maa i totonu o le taga. Pasi faataamilo le taga ina ia mafai ona lagona e tagata uma lona mamafa.

4. Feauauai i le aveeseina o se mea faitino mai le taga. A oo i lou taimi, fai atu po o le a se mea e mafai e se tasi ona fai e salamo ai pe mulimuli ai ia Iesu. (E mafai ona e vaai i le lisi o loo i lalo mo ni manatu!)

5. A gaogao le ato, toe pasi solo ina ia mafai e tagata uma ona lagonaina le māmā. O a ni ou lagona pe a e salamo?

Pe a e salamo, e te:

• Malamalama na e faia se filifiliga sese.

• Foia le faafitauli i le mea sili e te mafaia (fesili i se matua mo se fesoasoani pe a manaomia ona e faia).

• Fai atu ua e salamo.

• Tatalo ma ole atu i le Tama Faalelagi e faamagalo oe.

• Taumafai e aua nei toe faia. Ole atu mo le fesoasoani a le Tama Faalelagi!

Ata na tusia e Brooke Smart