O Le Faiaoga Fou

Saunia e Jane McBride

(E faavae i se tala moni)

This image shows the little girl looking up in her Sunday clothes. A little girl is scared to meet her new primary teacher.

Sa fiafia Ana e alu i le vasega Aveolela. Sa fiafia o ia i ona faiaoga, o Brother ma Sister Lee. Sa fiafia o ia i lesona e uiga ia Iesu. Sa fiafia o ia e iloa upu o pese.

Ae o lenei ua le toe i ai o ia i le vasega Aveolela. O le asō o le a i ai o ia i se vasega fou o le Peraimeri. O le a i ai ni ona faiaoga fou. O le a nofo o ia i se atulaina fou i le taimi o pesepesega. O le a i ai sona potuaoga fou.

Sa popole o ia. Sa manao o ia e nonofo faatasi ma Sister Lee. Sa ia taumafai e aua le tagi a o savali atu o ia i totonu o le potu o le Peraimeri.

Sa ataata atu se tasi o ona faiaoga fou ia te ia. “Talofa, o a’u o Sister Ball. O ai lou igoa?”

“O a’u o Ana,” o le tala lea a Ana.

Sa popo e Sister Ball le nofoa i ona autafa. “E te fia nofo i o’u tafatafa? O lo‘u taimi muamua lea i le Peraimeri.”

This image only shows the teacher and she has pulled a chair close to her side. A little girl is scared to meet her new primary teacher.

Sa nofo i lalo Ana i talaane o Sister Ball. “E mafai ona ou fesoasoani ia te oe. Ou te iloa pese uma!”

“Faafetai lava,” o le tala lea a Sister Ball. “O se fesoasoani tele lena.”

E le’i umi ae sau i totonu lana uo o Beth. O le tausaga na te’a nei sa i ai o ia i le vasega o le Aveolela faatasi ma Ana. Sa nofo Beth i talaane o Ana.

“O Beth lea,” na fai atu ai Ana ia Sister Ball.

Sa ataata Ana. Sa fiafia o ia i lana vasega fou o le Peraimeri!

Page from the December 2022 Friend Magazine.