O Paionia i Atunuu Uma

Ua Aoao ia Chieko e uiga ia Iesu

Saunia e Lucy Stevenson Ewell

Mekasini a le Ekalesia

(E faavae i se tala moni)

Sa lagona e Chieko se lagona faapitoa i totonu.

1. Map of Hawaii 2. The two temples show in the layout 3. Yellow Hibiscus 4. Chieko’s family. Chieko, husband and two sons. 5. Chieko as a teacher 6. Chieko speaking from pulpit as a church leader. 7. Illustration of Chieko as a child, dressed as an angel. 8. Church group putting on a nativity play. 9. Baby Jesus in a manger.

Sa faamafolafola e Chieko lona ofu soloatoa vaivai, paepae. O ia o le agelu i le tala faatino o le Soifua Mai i le Kerisimasi, ma o le a amata le faaaliga.

Sa le tele ni mea na iloa e Chieko e uiga i le Kerisimasi po o Iesu. Na o mai lona aiga i Hawaii mai Iapani, ma o i latou o tagata Puta. Ae sa fai atu le pule a lona tama ia te ia ia i ai i le tala faatino, ma sa fiafia lava o ia e avea ma se vaega o lena faaaliga. Sa galue malosi o ia e aoao i upu.

“Aua tou te matata’u,” o le tala lea a Chieko a o tu o ia i luga o le tulaga. “Aua o le aso nei ua fanau ai i le aai o Tavita, lo outou Faaola, o le Alii ia o Keriso.” Sa fiafia o ia i le i ai i lenei tala faatino.

I ni nai tausaga mulimuli ane, sa feiloai ai Chieko i ni faifeautalai. Sa omai mai Le Ekalesia a Iesu Keriso o le Au Paia o Aso e Gata Ai. “E te fia sau i le lotu e aoao atili e uiga ia Iesu Keriso?” sa la fesili ai.

Sa manatua e Chieko lana vaega i le tala o le Kerisimasi. O ai Iesu? sa ia mafaufau ai. Sa ia manao e aoao atili.

Ina ua taunuu o ia i le fale, sa fesili atu Chieko i ona matua pe mafai ona alu o ia i le lotu ma faifeautalai. “Ou te le iloa pe aisea e le mafai ai,” o le tala lea a Mama. “Ae e te sau pea i le malumalu o tagata Puta faatasi ma i matou.”

I le lotu, sa aoao ai e Chieko ni pese fou ma faia ni uo fou. I le Aoga Sa, sa ia iloa ai o Iesu Keriso o le Alo o le Atua. Ona o Ia, e mafai ai ona ia salamo ma toe nonofo faatasi ma le Atua i se aso. Sa lagona e Chieko se mea faapitoa i totonu. Sa ia iloa e moni Iesu.

Na mavae tausaga. O vaiaso taitasi, e o ai Chieko ma lona aiga i le malumalu o tagata Puta. Ma o Aso Sa taitasi, e alu ai o ia i le lotu.

Ina ua 15 ona tausaga, sa manao Chieko e papatiso. Sa fai si ona fefe laitiiti e fesili atu i ona matua. Ae sa la’ua lagolagoina o ia. “Ma te iloa e mafai ona avea oe ma se afafine lelei ma se Kerisiano lelei foi,” o le tala lea a Papa. Sa matuai fiafia lava Chieko!

A o tuputupu a’e o ia, sa mulimuli pea Chieko ia Iesu. O nisi taimi sa agaleaga tagata ia te ia ona o ia o se tagata Iapani. Ae sa le’i faatagaina e Chieko lena mea e taofia ai o ia. Sa ia taulimaina tagata uma ma le agalelei.

Ina ua 63 ona tausaga, sa valaauina Chieko e auauna atu o se vaega o le Au Peresitene Aoao o le Aualofa. Sa ia asiasi atu i tagata o le Ekalesia i le salafa o le lalolagi. Sa ia faasoa atu le alofa o le Faaola.

Sa saunoa foi Chieko i konafesi aoao. “Ia tatou o mai ia Keriso,” o lana tala lea. “Ia tatou olioli ia te Ia, o lē foai i mea lelei uma.” *

O Hawaii o se vaega o motu i le Vasa Pasefika. O se vaega o le ISA.

E lua malumalu i Hawaii.

O le fugalaau a le setete o Hawaii o le aute samasama.

E toalua o la atalii ma lona toalua o Eteuati.

Sa avea o ia o se faiaoga ma se puleaoga.

I le taimi o lana auaunaga i le Ekalesia, sa ia tuuina atu ai ni lauga i le gagana Peretania, Iapani, Korea, Toga, ma le Sipaniolo.

Page from the December 2022 Friend Magazine.