Uo i le Uo

O Meaalofa e Faasoa Atu

Saunia e Sister Michelle D. Craig

Fesoasoani Muamua i le Au Peresitene Aoao o Tamaitai Talavou

Sii mai le “Less Conspicuous Gifts” (First Presidency Christmas devotional, Dec. 5, 2021), broadcasts.ChurchofJesusChrist.org.

Sa manao lava lo’u tamamatua e ta le vaiolini. Ae sa taatia lana vaiolini e le’i faaaogaina ma pefua ai i luga o lana fata. Ona ia tuuina mai lea ia te a’u, ma sa taatia mo le tele o tausaga e le’i faaaogaina i luga o la’u fata. Ou te le’i aoao lava e taina.

Ae o le afafine a lo’u atalii, o Scarlett e i ai sana vaiolini e fiafia e ta. E fiafia o ia e aoao ni pese fou. Atonu e le mafai ona ia taina atoatoa, ae na te faataitaia ma taumafai malosi. O lana meaalofa o musika e aumaia ai le olioli i isi. Ma e faamanuiaina ai o ia a o ia faasoa atu.

E tofu i tatou uma ma meaalofa faaleagaga. O nei meaalofa e le faigofie i taimi uma ona vaai i ai. Ae ua tuuina mai e le Tama Faalelagi ia i tatou taitoatasi ona e alofa o Ia ia i tatou. E finagalo o Ia ia tatou faasoa atu a tatou meaalofa.

O nei meaalofa e aofia ai le faalogo, fegalegaleai, tausia o le tasi ma le isi, ae le o le vaavaai mo mea sese i isi, ma ole atu mo le fesoasoani a le Atua. O nisi taimi tatou te le faatauaina pe faasoa atu a tatou meaalofa. Atonu tatou te fefefe e le atoatoa i latou e pei ona tatou mananao ai. Ae afai tatou te le faasoaina atu a tatou meaalofa, ua tatou misia se avanoa e faamanuia ai fanau a le Atua. Ua tatou misia se avanoa e lagona ai le alofa o le Atua.

Aua nei tuua meaalofa a le Atua ia te oe, e oo lava i Ana meaalofa itiiti, e lē faaaogaina. Ofo atu i latou i le Atua ma Ana fanau. O meaalofa ua tatou maua mai lo tatou Tama Faalelagi e tatau ona faaaogaina ma faasoa atu.

Ata na tusia e Anna Aronson