Dali, Sunod Kanako nga mga Kalihokan

Alang sa home evening, pagtuon sa kasulatan, o kalingawan lamang!

Sunda ang Lider

Alang sa Mateo 4; Lucas 4–5

Istorya: Si Jesukristo mitawag og duha ka mangingisda, si Pedro ug Andres, sa pagsunod Kaniya. Gibiyaan nila ang ilang mga pukot ug miserbisyo uban ni Jesus. (Tan-awa sa Mateo 4:18–20.)

Awit: “Sundon Ko ang Plano sa Dios” (Songbook sa mga Bata, 86–87)

Kalihokan: Dulaa kini: Usa ka tawo mopili og aksiyon. Ang tanan mosunod sa aksiyon. Dayon mopili ang laing tawo og bag-o nga aksiyon. Ang tanan mobuhat sa unang aksiyon, dayon sa ikaduha. Padayon sa pagdugang og mga aksiyon ug tan-awa kon pila kabuok ang inyong mabuhat nga dili makalimot.

Pagpakita og Gugma

Alang sa Juan 2–4

Istorya: Nasayod kita nga ang Langitnong Amahan nahigugma kanato tungod kay gipadala Niya ang Iyang Anak, si Jesukristo, nganhi sa yuta. Tungod ni Jesus, mahimo kitang makapuyo uban sa Langitnong Amahan pag-usab ugma damlag. (Tan-awa sa Juan 3:16–17.)

Awit: “Mipadala sa Bugtong Anak” (Songbook sa mga Bata, 20–21)

Kalihokan: Unsaon ninyo sa pagpakita sa inyong gugma? Paggunting og pipila ka papel nga mga kasingkasing. Sa matag usa, pagsulat og usa ka butang nga inyong mahimo aron sa pagpakita og gugma ngadto sa uban. Ibutang ang mga kasingkasing diha sa usa ka garapon o panaksan. Sa matag adlaw sa semana, pagkuha og usa ka kasingkasing gikan sa panaksan. Dayon buhata kon unsay nasulat diha sa kasingkasing!

Itunong og Itsa sa Kasulatan

Alang sa Mateo 5; Lucas 6

Istorya: Usa ka adlaw si Jesus misaka ngadto sa usa ka bukid aron sa pagtudlo sa mga tawo. Siya mitudlo kanila kon unsaon nga mahimong mas mahisama Kaniya ug sa Langitnong Amahan. Gitawag nato ang Iyang mga pagtulon-an didto nga ang Wali ibabaw sa Bungtod. (Tan-awa sa Mateo 5–7.)

Awit: “Maninguha Kong Mahimong Mahisama Kang Jesus” (Songbook sa mga Bata, 40–41)

Kalihokan: Buhata ang kalihokan sa pahina 8. Samtang magbasa kamo sa kasulatan, paghisgot mahitungod sa unsa pay gihangyo ni Jesus nga atong buhaton.

Pagtukod og Balay

Alang sa Mateo 6–7

Istorya: Si Jesukristo misugilon og mga istorya nga gitawag og mga sambingay aron sa pagtudlo og mga leksiyon. Sa usa ka istorya ang usa ka tawo mitukod og balay diha sa balas. Ang laing tawo mitukod og balay diha sa bato. Sa dihang miulan, ang balay diha sa balas nahugno. Apan ang balay diha sa bato nagpabilin nga nagbarog! Gusto si Jesus nga motudlo kanato nga kon mosunod kita Kaniya, kita mahimong makabaton og kalig-on atol sa malisod o makuyaw nga mga panahon. (Tan-awa sa Mateo 7:24–27.)

Awit: “Ang Tawong Maalam ug ang Tawong Walay Kaalam” (Songbook sa mga Bata, 132)

Kalihokan: Gamita ang mga habol, mga tualya, mga unlan, o ubang mga butang aron sa pagtukod og balay. Dayon paghisgot mahitungod kon sa unsang paagi nga ang pagsunod ni Jesus magdala og kalinaw atol sa malisod nga mga panahon.

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.

Mga paghulagway pinaagi ni Katy Dockrill