Managhigala atol sa Ting-recess

Ni Gayle Kinney-Cornelius

(Gibase sa usa ka tinuod nga istorya)

Si Jason dili ganahan magdula og soccer sama sa uban nga mga bata.

Story about a boy who would rather read at recess than play soccer with the other kids . . . He finds other friends that also are not interested in playing soccer and the three of them play checkers at recess. Illustration inlcudes: ¬∑ Jason sitting under a shady tree reading ¬∑ Kira reading, sitting at a picnic table ¬∑ Mark sitting on the ground ‚Äútwirling some grass‚Äù ¬∑ Kids off to the right playing soccer ¬∑ Inset scene of Jason, Kira and Mark at recess playing checkers

Kada adlaw sa ting-recess, si Jason molingkod ilalom sa landong sa punoan sa kahoy ug mobasa og libro. Kadaghanan sa ubang mga bata magdula og soccer. Nakigdula si Jason uban nila sa una, apan dili gyod siya ganahan niini. Dili kaayo siya maayo sa pagdagan og kusog o sa pagpatid sa bola. Ug ang maapil sa daghang mga bata nga nagdagan-dagan ug nagsinggitay makapahimo niya nga dili komportable.

Apan si Jason dili gusto nga mobati nga nag-inusara ug nabiyaan. Ang uban nga mga bata ingon og nalingaw kaayo! Ganahan usab siya nga malingaw uban sa mga higala.

Usa ka adlaw atol sa ting-recess, si Jason mipakli sa iyang libro. Nakabantay siya nga si Kira naglingkod sa pangpiknik nga lamesa, nagbasa. Dayon nakit-an niya si Mark nagpatid-patid og bato nga mobanda sa paril. Nganong wala man sila nagdula og soccer sama sa uban?

Pagkasunod adlaw, si Jason mitan-aw pag-usab. Si Kira nagbasa diha sa lamesa sa piknik, sama gahapon. Si Mark naglingkod sa yuta. Iyang gituyok-tuyok ang pipila ka sagbot sa iyang tudlo. Mibalik si Jason sa pagbasa. Apan nagsige siya og tan-aw ni Kira ug Mark. Tingali ganahan sab sila nga magbuhat og mga butang nga hilom.

Nianang hapona, si Jason miistorya ngadto ni Mama. “Kada adlaw sa ting-recess, magbasa ko og libro,” miingon siya. “Apan ang uban nga mga bata magdula og soccer.”

“Walay sayop niana.” Mipahiyom si Mama. “Ingon usab ako niana sa nag-edad pa ko og sama nimo. Kanunayng magbasa.”

Mipahiyom usab si Jason. Ganahan siya niini kon siya ug si Mama mag-uban sa pagbasa og libro.

“Abi nako og ako lang usa ang dili ganahan og soccer,” miingon si Jason. “Apan aduna usab diay duha pa ka laing mga bata nga dili modula.” Gisultihan niya si Mama kabahin ni Kira ug Mark.

“Basin ikaw mahimo nilang higala,” miingon si Mama.

Mitando si Jason. “Basin. Apan wala ko kahibalo unsay buhaton uban nila.”

“Nan, ikaw ug si Kira kamong duha ganahan magbasa, apan kana ang butang nga imong buhaton sa imong kaugalingon lang,” miingon si Mama. “Unsa paman ang gusto nimong buhaton?”

“Ganahan ko magdula og checkers,” miingon si Jason. “Ug dunay usa ka checkerboard sa eskwelahan.”

“Hmm,” miingon si Mama. “Unsa kahay imong mahimo nianang checkerboard? Basin atol sa ting-recess?” Kunohay naghunahuna siya bahin niini.

Mikatawa si Jason. “Murag naa na koy ideya.”

Pagkasunod adlaw sa dihang mibagting na alang sa ting-recess, gikuha ni Jason ang mga checkers. Miadto siya ngadto sa pangpiknik nga lamesa diin nagbasa si Kira. Sa dihang mitan-aw si Kira, nga naggunit siya sa dula. “Ganahan ka sugdan na ang dula?”

“Siguro,” miingon siya. “Pero duha ra man ta.”

“Kadali lang,” miingon si Jason. Midagan siya ngadto ni Mark, nga naglingkod na usab sa kasagbotan.

“Oy, Mark,” miingon si Jason. “Ganahan ka magdula og checkers? Sugdan nato ang dula.”

Mipahiyom si Mark. “Makigdula ko og checkers uban sa akong papa,” miingon siya. “Maayo kaayo ko niana.”

“OK!” Mipahiyom og balik si Jason. “Tana magdula ta.”