Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

Alang sa Mateo 4; Lucas 4–5

Pakig-istorya sa inyong gagmayng mga bata kabahin sa mga paagi sa pagpili sa matarong, sama sa pagpaambit ug paggamit og mabinationg mga pulong. Basaha og dungan ang “Ako Makasunod ni Jesus pinaagi sa Pagpili sa Matarong” sa pahina 44.

Alang sa Juan 2–4

Ipasabot nga ang Langitnong Amahan gusto nga atong tumanon ug tabangan ang atong mga ginikanan. Hangyoa ang inyong gagmayng mga bata sa pagtabang kaninyo sa mga buluhaton, sama sa pagpanghipos sa mga dulaan o pagpanghugas sa plato. Pasalamati sila sa pagtabang kaninyo!

Alang sa Mateo 5; Lucas 6

Sultihi ang inyong gagmayng mga bata nga kita malipay kon kita mopili sa matarong sama sa gibuhat ni Jesus. Pagbitay og usa ka papel nga gidrowingan og smiley. Pagdugang og usa ka smiley nga dagway sa matag higayon nga ang inyong gagmayng mga bata makahimo og usa ka “makalipay” nga pagpili.

Alang sa Mateo 6–7

Ipasabot ngadto sa inyong gagmayng mga bata nga kon kita mag-ampo, kita magpasalamat alang sa mga panalangin ug mangayo alang sa mga butang nga atong gikinahanglan. Pakit-a sila kon unsaon sa pagduko sa ilang mga ulo, pagkyugpos sa ilang mga bukton, ug pagpiyong sa ilang mga mata. Dayon tabangi sila sa paglitok og pag-ampo.