Ang Nagkatag nga Buak nga mga Itlog [Egg Mess]
Laing itlog nga miligid sa lamesa. Splat!
Gilukot-lukot ni Sasha ang iyang saya nga hayag nga rosa [pink]. Paborito niya kadto nga isul-ob sa simbahan. Ug karon panahon na para sa iyang paborito nga bahin sa simbahan. Primary!
Ang magtutudlo ni Sasha nagtabang kanila nga makat-on sa Artikulo sa Hugot nga Pagtuo. Karon sila nagkat-on sa numero 13. Taas kini! Apan si Sister Banda miingon, “Nasayod ko nga kamo makakat-on sa unang bahin. ‘Kami nagtuo sa pagkamatinuoron.’ Isulti uban nako!”
“Kami nagtuo sa pagkamatinuoron,” miingon si Sasha ug ang uban nga mga bata.
Wala madugay nianang semanaha, si Sasha ug ang iyang manghod nga lalaki, si Alfred, nagdula diha sa kusina. “Gilaay man ko,” miingon si Alfred.
“Ako sab.” Dayon si Sasha nakakita og mga itlog diha sa lamesa. Murag makalingaw kining dulaan. “Oy, aduna koy ideya. Magdula ta!”
Mipunit si Sasha og usa ka itlog. “Mobarog ka sa pikas nga habig sa lamesa,” miingon siya ngadto ni Alfred. Dayon iyang gipaligid ang itlog ngadto paingon niya. Si Shasha ug si Alfred nangatawa. Ang itlog miwabol og maayo!
“Ikaw na!” Miingon si Sasha.
Human gipaligid ni Alfred ang itlog balik ngadto niya. Apan niining higayona ang itlog diretso nga miligid. Hinoon, kini miliko ug nahagbong sa lamesa. Splat! Ang itlog nabuak ngadto sa salog, nga ang dangog nga mga buak sa itlog nagkatag.
Gitan-aw ni Alfred si Sasha nga misiga ang mga mata. Dayon nangatawa sila og maayo. “Atong usbon!,” miingon siya.
Mikuha si Shasha og laing itlog. “Saw-a sa dili pa kini mahagbong!” miingon siya. Gipaligid niya ang itlog og mas kusog kay sa una. Nasipyat si Alfred. Splat!
Mikuha si Alfred og duha pa ka itlog. Gipaligid niya kini og mas paspas pa. Wala makaapas si Shasha sa pagpahunong dayon niini. Splat! Splat! Si Shasha ug Alfred nagsige og agik-ik.
Dayon nadungog ni Shasha si Mama nga nagpadulong. Hala! Makatilaw gyod sila og dakong kasaba!
Si Shasha dili gusto nga si Mama masuko nila. Siguro maghimo-himo sila og istorya. Puwede sila mosulti ni Mama nga wala sila magbuhat niini.
Apan si Shasha nakahinumdom sa ika-napulog tulo sa artikulo sa hugot nga pagtuo. “Kami nagtuo sa pagkamatinuoron.”
“Unsay nahitabo?” Nangutana si Mama. Mitutok siya sa hugaw nga salog. “Kinsa man ang nagbuak sa mga itlog?”
Miginhawa og lawom si Shasha. “Pasayloa ko, Ma. Ako ug si Alfred. Abi namo nga ang mga itlog lingaw nga dula-dulaan. Pero dili maayo nga ideya. Motabang ko sa paglimpyo.”
“Ako sab,” miingon si Alfred.
Gigakos ni Mama si Sasha ug si Alfred. “Salamat sa pagsulti sa tinuod.”
Mipahiyom si Shasha. Dayon miatubang siya ni Alfred. “Tingali makahimo ta og bag-ong dula—kabahin sa pagpanglimpyo!.”
Mga paghulagway pinaagi ni Valentina Belloni