Dose ka Smiley nga mga Sticker

Ni Ray Goldrup

(Gibase sa usa ka tinuod nga istorya)

Makompleto kaha ni Antonio ang hagit?

1. First spot illustration is of the figure, Antonio, entertaining his little brother Zach. Antonio is probably 7-9 years old and Zach is perhaps 1 year old. 2. Second spot illustration is of Antonio catching a spider. His sister is in the background looking scared. 3. Third spot illustration is of Antonio with his next door neighbor, Mr Wakefield. They are weeding a garden. Mr Wakefield is older. and he might be wiping the sweat off his brow.

“Aduna koy hagit para ninyo,” miingon ang magtutudlo sa Primary ni Antonio. “Usa ka paagi nga mahimong sama ni Jesus mao ang pagtabang sa uban. Mao nga karong semanaha, sulayi nga motabang sa daghang tawo kutob sa inyong mahimo.”

Gihatagan niya ang tanan og usa ka piraso sa papel ug 12 ka sticker nga adunay smiley nga mga nawong. “Matag higayon nga motabang kamo sa usa ka tawo, butangi og smiley nga nawong ang inyong papel. Dayon dad-a ang inyong papel sa klase sunod semana.”

Mahinamon si Antonio sa pagbuhat sa hagit. Apan mas lisod kini kay sa pagkadungog niini. Sa wala madugay Huwebes na, ug wala pa gihapon siyay bisan unsang sticker sa iyang papel. “Langitnong Amahan, palihog tabangi ko nga makakita og usa ka tawo nga tabangan,” nag-ampo siya.

Pagkasunod buntag, gisultihan ni Antonio si Mama mahitungod sa hagit. “Wala ko kahibalo kon kinsay tabangan!” miingon siya.

Dihadiha dayon, ang masuso nga igsoong lalaki ni Antonio misugod sa paghilak. “Mahimo nakong bantayan si Zach samtang magluto ka og pamahaw,” miingon si Antonio.

Mihimo siya og pipila ka kataw-anan nga mga nawong. Sa wala madugay mipahiyom ug miagik-ik na si Zach.

“Kon kana dili angay sa usa ka smiley nga nawong,” miingon si Mama, “wala ko kahibalo kon unsay angay niana!”

Human sa pamahaw, gihugasan ni Antonio ang mga plato. Gikuha niya ang usa ka kaka pagawas sa kwarto sa iyang igsoong babaye. Dugang duha ka smiley nga mga nawong!

Human sa eskwela gitabangan ni Antonio si Papa sa pagligo sa gawas sa ilang iro, si Radar. Sa dihang nahuman na sila, gisawilik ni Radar ang tubig gikan sa iyang balhibo. Mikatawa si Antonio ug si Papa.

Dayon nakit-an ni Antonio si Mr. Wakefield tabok sa dalan nga nangibot og mga sagbot. “Pwede ba nako siyang tabangan, Pa? Murag gisingot ug gikapoy na gayod siya.”

“Nindot kaayo kana nga ideya,” miingon si Papa. Sa dihang naibot na ang kataposang sagbot, si Mr. Wakefield adunay dako nga pahiyom.

Pagka-Sabado, si Antonio aduna nay 11 ka smiley nga mga nawong sa iyang papel. Usa na lang ang iyang gikinahanglan aron sa pagtapos sa hagit! Miingon si Mama nga ilang bisitahon ang Uyoan sa iyang amahan [Great-Uncle] nga si Francisco, kinsa nagpuyo diha sa usa ka nursing home. Nakahatag kana ni Antonio og ideya! Gipagawas niya ang iyang mga krayola ug nagdrowing og daghang hulagway.

Sa dihang miabot sila didto, gihatag ni Antonio ngadto sa iyang tiyo ang usa ka hulagway sa pagsalop sa adlaw. Mihatag og gamayng pahiyom si Tiyo Francisco ngadto kang Antonio. Dayon gihatag ni Antonio ang ubang mga hulagway ngadto sa ubang tawo nga nagpuyo didto. Dihay daghan kaayong malipayon nga mga pahiyom!

Atol sa pagpauli, miingon si Mama, “Mahimo kitang mohunong sa usa ka tindahan aron makakuha og dugang nga mga sticker nga adunay smiley nga nawong kon gusto nimo.”

“Wala nako gibuhat kadto aron makakuha og dugang nga mga sticker,” miingon si Antonio. “Ganahan ko sa paghimo nga magmalipayon ang mga tawo.”

“Ug kana makapalipay sa Langitnong Amahan ug ni Jesukristo!” Miingon si Papa.

“Murag malipayon usab ka,” miingon si Mama. Dako kaayo ang pahiyom ni Antonio maong nanakit ang iyang mga aping.