Hello gikan sa Sweden!

Kat-oni ang mahitungod sa mga anak sa Langitnong Amahan sa tibuok kalibotan.

Ang Sweden usa ka nasod sa Amihanang Uropa. Mga 10.5 ka milyon nga mga tawo ang nagpuyo didto.

Pag-adto sa Simbahan

Daghang tawo sa Sweden mosakay og tren aron moadto sa mga lugar, lakip na kon moadto sila sa simbahan.

Midsummer

Ang Midsummer mao ang usa sa kindak-an nga mga holiday sa Sweden. Kini nagtimaan sa sinugdanan sa ting-init. Ang mga tawo magsul-ob og bulak nga mga korona manganta, mangaon, ug mosayaw palibot sa usa ka gidayan-dayanan nga tukon [pole].

Talagsaon nga mga Lasang

Ang mga lasang mitabon sa duha-sa-tulo ka bahin sa Sweden!

Mga Pinulongan sa Silingan nga mga Nasod

Ang Sweden, Denmark, ug Norway mao ang silingan nga mga nasod nga adunay susama nga mga pinulongan. Daghan sa Swedish nga mga mamumulong makasabot sa Danish ug sa Norwegian usab.

Stockholm Sweden Temple

Kini nga matahom nga templo nahuman niadtong 1985. Niadtong 1995, gisuroy ni Presidente Thomas S. Monson ang hari ug rayna sa Sweden diha sa nataran sa templo.

Kubb

Aniay bersiyon sa usa ka Swedish nga panggawas nga dula nga inyong madula. Pagpahimutang og 10 ka bloke sa kahoy sa duha ka linya, nga lagyo sa usag usa. Ibutang ang usa ka mas dako nga bloke sa kahoy diha sa tunga aron mahimong “hari.” Bahina ang inyong kaugalingon sa duha ka pundok. Ang matag tawo magpuli-puli sa pag-itsa og bola o kahoy nga batuta ngadto sa mga bloke sa pikas nga pundok aron sa pagpatumba niini. Kon matumba na ang tanang mga bloke, ang pundok mosulay sa pagpatumba sa hari aron makadaog. Apan pag-amping—kon matumba ninyo ang hari sa dili pa matumba ang ubang mga bloke, kamo ang pildi!

Gamhanang prutina

Ang inyong lawas nagkinahanglan og prutina aron himsog ug lig-on nga motubo. Makakuha kamo og prutina gikan sa karne, mga itlog, mga abitsuylas [beans], ug mga pagkaon gikan sa dagat.

Köttbullar (Swedish nga mga Meatball)

1. Diha sa dako nga panaksan, ihumol ang 3/4 nga cup sa mga breadcrumb diha sa 1 1/4 nga cup sa gatas sulod sa pipila ka minuto.

2. Isagol ang 1 ka libra [pound] (450 g) sa ginaling nga karne sa baka o baboy, 1 ka itlog, 1 ka sibuyas bombay (gihiwa), ug pudyot nga asin, paminta, ug allspice uban sa breadcrumb nga templada.

3. Himoang bola-bola ang templada sa karne.

4. I-bake sa 400°F (180°C) sulod sa 20–25 minutos o hangtod mo-brown nga ang mga meatball.

5. Ihukad uban sa brown nga gravy, minasa nga patatas, ug jam, Swedish nga estilo!

Unsa ang inyong ganahan nga buhaton aron magpabiling himsog?

Isulat ug sultihi kami!