Gaoioiga o le Sau, Mulimuli Mai ia te A’u
Mo afiafi faaleaiga, suesuega o tusitusiga paia, pe tau lava o se mea malie!
Mulimuli i le Taitai
Tala: Na valaauina e Iesu Keriso faifaiva e toalua, o Peteru ma Aneterea, e mulimuli atu ia te Ia. Sa la tuua a la upega fagota ma auauna atu faatasi ma Iesu. (Tagai i le Mataio 4:18–20.)
Pese: “O Le a Ou Mulimuli i le Fuafuaga a le Atua” (Tusipese a Tamaiti,, 86–87)
Gaoioiga: Taaalo i le taaloga lenei: E filifili e se tagata e toatasi se faatinoga. O isi uma lava e kopiina le faatinoga. Ona filifili lea e se isi tagata se faatinoga fou. O isi uma e faia le faatinoga muamua, sosoo ai ma le lona lua. Faaauau le faaopoopoina pea o faatinoga ma vaai pe fia e mafai ona e faia e aunoa ma le faagaloina o se tasi.
Faaalia le Alofa
Mo le Ioane 2–4
Tala: Ua tatou iloa e alofa le Tama Faalelagi ia i tatou aua na Ia auina mai Lona Alo, o Iesu Keriso, i le lalolagi. Ona o Iesu, ua mafai ai ona tatou toe nonofo faatasi ma le Tama Faalelagi i se aso. (Tagai i le Ioane 3:16–17.)
Pese: “Na Ia Auina mai Lona Alo” (Tusipese a Tamaiti, 20–21)
Gaioioiga: E faapefea ona e faaali atu lou alofa? Oti se faaputuga fatu pepa. I luga o fatu taitasi, tusi ai se mea e mafai ona e faia e faaali atu ai le alofa i isi. Tuu fatu i totonu o se fagu po o se pesini. O aso taitasi o le vaiaso, filifili se fatu mai le pesini. Ona fai lea o mea ua tusia i le fatu!
Togi o Tusitusiga Paia
Tala: I se tasi aso na alu atu ai Iesu i luga o se mauga e aoao tagata. Sa Ia aoaoina i latou i le ala e avea atili ai e faapei o Ia ma le Tama Faalelagi. Tatou te ta’ua Ana aoaoga iina o le Lauga i luga o le Mauga. (Tagai i le Mataio 5–7.)
Pese: “O Loo Ou Taumafai e Avea e Pei o Iesu” (Tusipese a Tamaiti, 40–41)
Gaoioiga: Fai le gaoioiga i le itulau 8. A o e faitau i tusitusiga paia, talanoa e uiga i isi mea ua fetalai mai Iesu tatou te faia.
Fausia se Fale
Mo le Mataio 6–7
Tala: Sa faamatala e Iesu Keriso ia tala e ta’ua o faataoto e aoao atu ai lesona. I se tasi tala sa fausia ai e se tamaloa se fale i luga o le oneone. Sa fau e se isi tamaloa se fale i luga o se papa. Ina ua timu, sa pau le fale i luga o le oneone. Ae sa tumau pea le fale i luga o le papa! Sa finagalo Iesu e aoao i tatou afai tatou te mulimuli ia te Ia, e mafai ona tatou maua le malosi i taimi faigata pe taufaafefe. (Tagai i le Mataio 7:24–27.)
Pese: “Tagata Poto ma le Tagata Valea” (Tusipese a Tamaiti,132)
Gaoioiga: Faaaoga palanikeke, solo, aluga, po o isi mea e fau ai se fale. Ona talanoa lea pe faapefea e le mulimuli ia Iesu ona aumaia le filemu i taimi faigata.
Ata na tusia e Katy Dockrill