Uo o le Malologa

Saunia e Gayle Kinney-Cornelius

(E faavae i se tala moni)

Sa le fiafia Jason e taalo soka e pei o isi tamaiti.

Story about a boy who would rather read at recess than play soccer with the other kids . . . He finds other friends that also are not interested in playing soccer and the three of them play checkers at recess. Illustration inlcudes: ¬∑ Jason sitting under a shady tree reading ¬∑ Kira reading, sitting at a picnic table ¬∑ Mark sitting on the ground ‚Äútwirling some grass‚Äù ¬∑ Kids off to the right playing soccer ¬∑ Inset scene of Jason, Kira and Mark at recess playing checkers

O aso uma lava i le malologa, e saofai ai Jason i lalo o se laau paolo ma faitau se tusi. O le toatele o isi tamaiti sa taaalo soka. Sa taaalo muamua Jason ma i latou, ae sa le fiafia i ai o ia. Sa le lelei tele o ia i le tamoe saoasaoa po o le kikiina o le polo. Ma o le i ai faatasi ma le toatele o tamaiti o loo tamomoe ma feei atu na le toafimalie ai o ia.

Ae sa lei manao Jason e lagona le tuuatoatasi ma le faatuatuana’i. O isi tamaiti sa foliga mai sa fiafia tele! Sa manao foi o ia e maua le fiafia ma uo.

I se tasi aso i le taimi o le malologa, sa tilotilo ae ai Jason mai lana tusi. Sa ia matauina Kira o saofa’i i se laulau mo pikiniki, ma faitau. Ona ia vaaia lea o le kikiina e Mareko o se maa agai i se puipui. Aisea na latou le taaalo soka ai e pei o isi uma?

O le aso na sosoo ai, sa matamata foi Jason. Sa faitau Kira i le laulau pikiniki, e pei lava o ananafi. Sa nofo Mareko i luga o le palapala. Sa ia miloina faataamilo ni nai mutia. Sa toe foi Jason e faitau. Ae sa ia tilotilo atu pea ia Kira ma Mareko. Atonu la te fiafia foi e fai ni mea filemu.

I lena aoauli, sa talanoa atu ai Jason ia Tina. “O aso uma lava i le malologa, ou te faitauina ai se tusi,” o lana tala lea. “Ae o isi tamaiti e taaalo soka.”

“E leai se leaga o lena mea” Na ataata Tina. “Sa faapena foi a’u a o ou laitiiti. Faitau i taimi uma.”

Sa ataata foi Jason. Sa fiafia o ia pe a la faitauina faatasi ma Tina ia tusi.

“Sa ou faapea na o au lava e le fiafia i le soka,” o le tala lea a Jason. “Ae e toalua isi tamaiti e le taaalo foi.” Sa ia ta’u atu ia Tina e uiga ia Kira ma Mareko.

“Atonu e mafai ona avea oe ma a la uo,” o le tala lea a Tina.

Sa lue atu le ulu o Jason. “Masalo. Ae ou te le iloa le mea e fai ia i laua.”

“Ia, e te lua fiafia uma ma Kira e faitau, ae o se mea lena e te faia na o oe lava,” o le tala lea a Tina. “O a nisi mea e te fiafia e fai?”

“Ou te fiafia e taaalo mu,” o le tala lea a Jason. “Ma o loo i ai se laupapa mu i le aoga.”

“Mmm,” o le tala lea a Tina. “O le a se mea e mafai ona e faia i lena laupapa mu? Atonu i le malologa?” Sa faafoliga o loo ia mafaufau i ai.

Sa ata Jason. “Pei a ua i ai sou manatu.”

O le aso na sosoo ai ina ua tatagi le logo mo le malologa, sa uu mai e Jason le seti mu. Sa savali atu o ia i le laulau mo pikiniki lea sa faitau ai Kira. Ina ua tilotilo atu o ia i luga, sa ia uuina i luga le taaloga. “E te manao e amata se tauvaga?”

“Masalo,” o le tala lea a Kira. “Ae na o le toalua lava i taua.”

“Ia faatali la,” sa fai atu ai Jason. Sa tamoe atu o ia ia Mareko, o le o loo nofo mai foi i luga o le mutia.

“Ei, Mareko,” o le tala lea a Jason. “E te manao e taaalo mu? E mafai ona tatou amataina se tauvaga.”

Sa ataata Mareko. “Ou te taaalo mu ma lo’u tama,” o lana tala lea. “Ou te matuai lelei ai lava.”

“Ua lelei!” Sa ataata atu Jason. “Ta o e taaalo.”