Foliga Ataata Faapipii e Sefululua

Saunia e Ray Goldrup

(E faavae i se tala moni)

Mata e mafai e Antonio ona faamaea le lu’i?

1. First spot illustration is of the figure, Antonio, entertaining his little brother Zach. Antonio is probably 7-9 years old and Zach is perhaps 1 year old. 2. Second spot illustration is of Antonio catching a spider. His sister is in the background looking scared. 3. Third spot illustration is of Antonio with his next door neighbor, Mr Wakefield. They are weeding a garden. Mr Wakefield is older. and he might be wiping the sweat off his brow.

“E i ai sa’u lu’i mo oe,” o le tala lea a le faiaoga Peraimeri a Antonio. “O se tasi o auala e avea ai e faapei o Iesu o le fesoasoani lea i isi. O lenei vaiaso, taumafai e fesoasoani i le toatele o tagata e te mafaia.”

Sa ia tuuina atu i tagata uma se fasipepa ma ni foliga ataata faapipii se 12. “O taimi uma lava e te fesoasoani ai i se tasi, tuu se foliga ataata i luga o lau pepa. Ona aumai lea o lau pepa i le vasega i le vaiaso a sau.”

Sa fiafia Antonio e fai le lu’i. Ae sa sili atu ona faigata nai loo le faamatalaina. E lei leva ae oo i le Aso Tofi, ma sa leai lava ni ana foliga ataata faapipii i luga o lana pepa. “Tama Faalelagi, faamolemole fesoasoani mai ia te au e saili se tasi e fesoasoani i ai,” sa ia tatalo ai.

O le taeao na sosoo ai, na ta’u atu ai e Antonio ia Tina e uiga i le lu’i. “Ou te le iloa po o ai e fesoasoani i ai!” o lana tala lea.

O le taimi lava lena, na amata ai ona tagi le tuagane pepe o Antonio. “E mafai ona ou vaaia Zach a o e faia le meaai o le taeao,” o le tala lea a Antonio.

Sa ia faia ni foliga malie. E lei umi ae ataata Zach ma ata leotele.

“Afai e le ono maua ai se foliga ataata i lena mea,” na fai atu ai Tina, “ou te le iloa po o le a se isi mea!”

Ina ua uma le taumafataga o le taeao, sa fufulu e Antonio ipu. Sa ia aveina se apogaleveleve mai fafo o le potumoe o lona tuafafine. Toe lua foliga ataata!

Ina ua uma le aoga sa fesoasoani Antonio ia Tama e ave le latou taifau, o Radar, e faataele i fafo. Ina ua uma, sa lulu e Radar le vai mai ona fulufulu. Sa talie Antonio ma Tama.

Ona vaai atu lea o Antonio ia Mr. Wakefield i le isi itu o le auala o vele vao. “E mafai ona ou fesoasoani ia te ia, Tama? E foliga mai ua matuai vevela lava o ia ma ua lelava.”

“O se manatu manaia tele lena!” na fai atu ai Tamā. Ina ua vele le vao mulimuli, sa ataata tele Mr. Wakefield.

E oo atu i le Aso Toonai, ua 11 foliga ataata o Antonio i lana pepa. Sa toe tasi lava se isi na ia manaomia e faauma ai le lu’i! Na fai mai Tina o le a la asiasi atu ia Uncle Francisco, o le uso o lona tama matua, o le sa nofo i se fale tausi soifua. Na tuuina atu e lena mea se manatu ia Antonio! Sa ia aumaia i fafo ana vali ma tusi ni ata se tele.

Ina ua la taunuu atu iina, sa tuu atu e Antonio i lona uncle se ata o se la goto. Sa ataata laitiiti atu Uncle Francisco ia Antonio. Ona tuu atu lea e Antonio ata na totoe i isi tagata sa nonofo ai iina. Sa tele le mau foliga ataata!

A o agai atu i le fale, sa fai atu Tina, “E mafai ona ta tutu i se faleoloa e toe aumai ni foliga ataata faapipii pe a e manao ai.”

“Ou te lei faia ina ia maua ai nisi foliga ataata faapipii sili atu,” o le tala lea a Antonio. “Ou te fiafia e faafiafia tagata.”

“Ma o le mea lena e fiafia ai le Tama Faalelagi ma Iesu!” Na fai atu ai Tama.

“E foliga mai ua e fiafia foi,” o le tala lea a Tina. Sa ataata tele Antonio ma tiga ai ona alafau.