“Paoa insaed long Buk blong Momon,” Fren, Jenuware 2024, 2–3.
I Kam long Fas Presidensi
Paoa insaed long Buk blong Momon
I kamaot long “Buk blong Momon: ?Bae Laef blong Yu I Olsem Wanem Sapos Yu No Gat Buk Ia? Liahona, Nov. 2017, 60–63; mo “Ol Sista Oli Tekpat long Kam Tugeta blong Isrel,” Liahona, Novemba. 2018, https://www.churchofjesuschrist.org/study/liahona/2018/11/general-womens-session/sisters-participation-in-the-gathering-of-israel?lang=bis.
Taem mi tingbaot Buk blong Momon, mi tingbaot toktok ia, paoa. Ol trutok abaot Buk blong Momon i gat paoa blong hilim, givim kamfot, mekem i kam strong moa, mo mekem sol i glad.
Buk blong Momon i
-
Wan Narafala Testeman blong Jisas Kraes. Plante long ol profet we oli bin raet, oli bin luk Jisas Kraes. Insaed long Buk blong Momon i gat ol testemoni blong olgeta abaot Jisas Kraes.
-
Wan rekod blong ministri blong Hem long ol pipol we oli bin laef long Amerika long taem bifo.
-
!Tru!
Mi invaetem yu blong ridim Buk blong Momon. Taem yu stap rid, mi leftemap tingting blong yu blong makem wanwan ves we i tokbaot Sevya. Bae yu kam moa kolosap long Hem taem yu mekem hemia. Mo ol jenis, iven ol merikel, bae oli stat blong hapen.
Stap Faenem Jisas insaed long Buk blong Momon
Presiden Nelson i invaetem yumi blong lukaotem nem blong Jisas Kraes taem yumi stap ridim Buk blong Momon. Jisas i gat fulap nem insaed long olgeta skripja. !Hemia sam we yu save lukaotem!
Lef: Wan afta Wan i kam long Walter Rane; raet: pikja i kam long Apryl Stott