“Testemoni blong Miwan,” Fren, Jenuware 2024, 38.
Man we i Raetem i Yu
Testemoni blong Miwan
Nem blong mi Chloe, mo mi gat naen yia. Ol samting we mi laekem blong mekem hem i blong plei tenis, singsing, mo stap mekem ol fren.
Mi laekem tumas blong stap long jos, mo mi laekem blong help long Praemeri klas blong mi. Hem i mekem mi filim gud. Mi laekem blong givim seves long ol narawan tu. Mi lavem famli blong mi tumas. Mi bin helpem smol sista blong mi Anna blong lanem olsem wanem blong ron long wan baeskel. Samtaem mi helpem mama blong mi blong wasem ol plet.
Mi laekem tu blong ridim Buk blong Momon wetem famli blong mi. Wan dei taem mi stap ridim stori blong Amon, mi bin filim Tabu Spirit long hat blong mi. Long naet ia, mi talem long famli blong mi, “Naoia mi save from wanem ol pipol oli stap talem se Buk blong Momon i tru.” Mi bin filim long hat blong mi se ol stori we mifala i stap ridim long Buk blong Momon, oli bin hapen tru.
Mi save se Jos i tru. Mi save se ol stori long Buk blong Momon oli tru. Mi save se God i singaotem ol profet. Mi save se ol misinari oli save helpem yumi blong folem Jisas. Long nem blong Jisas Kraes, amen.
Ol pikja droing oli kam long Giovanni Abeille