“Stap Folem Jisas long Thailand,” Fren, Jenuware 2024, 6–7.
Stap Folem Jisas long Thailand
!Mitim Panya!
Olsem Wanem Nao Panya i Folem Jisas
Panya i invaetem kasen blong hem blong go long jos wetem hem. Taem hem i kam, Panya i helpem hem blong hem i filim se hem i welkam. Panya i helpem hem blong mitim ol nara pikinini long Praemeri mo mekem sam fren.
Long hom, Panya i help taem hem i klinim lanj bokis blong hem mo ol sus blong hem. “Mi gat gud taem, taem mi help,” Panya i talem. Hem i stap laef wetem anti mo bubu woman blong hem, mo hem i laekem blong helpem tufala. Hem i stap foldem blangket blong hem tu evri moning.
Mama blong Panya i bin ded i no long taem i pas. Taem Panya i misin mama blong hem, anti blong hem i helpem hem blong prea long Papa long Heven. Hem i filim lav afta long prea. “Taem mi prea, mi filim olsem Jisas i stap wetem mi,” hem i talem.
Panya wetem bubu woman mo anti blong hem.
Abaot Panya
Yia: 7
Hem blong: Nonthaburi, Thailand
Lanwis: Thai
Gol: Blong kam wan blong stap mekem plan blong insaed blong ol bilding mo dekoretem ol rum insaed long ol haos mo ol bilding
Ol samting we hem i laekem blong mekem: Stap danis, ronron long baeskel blong hem, lanem blong plei piano, swimswim, rid, mo taekwondo
Famli: Panya, anti, mo bubu woman
Ol Fevret Samting blong Panya
Stori blong Jisas: Taem Hem i kasem baptaes (luk long Matiu 3:13–17)
Holidei o kastom blong famli: Krismes mo ol famli trip
Frut mo vejetebol: Ol grin grep mo kukamba
Kala: Pepol
Praemeri Singsing: “I Love to See the Temple” (Children’s Songbook, 95)