βNa Vatu Lokaloka Caliva,β iTokani, Maji 2024, 10β11.
Na Vatu Lokaloka Caliva
Kevaka e tukuna o koya na ka dina, ena cudruvi koya beka?
Na italanoa oqo a yaco mai Netherlands.
A dolava o Marie na nona kato ni vatutalei me vakaraica na nona vatu totoka. A taura yadudua, e ligana. Na ka damudamu, qai ka drokadroka, qai ka vulavula makare.
A tukituki ena katuba ni rumu ni moce o bubu. βO sa vakarau lako?β
βIo!β A biuta lesu tale vakamalua o Marie na vatu ena nona kato.
O bubu me na kauti Marie ki na valenivola. Ia me sega walega ni laki sarava na ivola. E vakaraitaki tiko e kea e dua na vatu talei! A malaude na yaloi Marie.
Ni sa yaco ki na valenivola na nodrau basi, e rau curu yani ki loma o Marie kei Bubu. E rau raica na teveli vaka teveli ni vei vatu totoka. Eso era a ramase ka yagoyago vinaka. Eso tale era ibulibuli taleitaki sara.
βRaica mada na kena oqo!β A dusia o bubu e dua na vatu talei levu. E kabi wavolita tu eso na ka momoto karakarawa.
E dua tale na teveli e levu kina na vatu moqimoqili lalai. A vakaraica ira na roka taucoko o Marie. Ena kena iotioti a toka kina e dua na vatu lokaloka, lailai ka taliva qai yagoyago vinaka.
E sega ni tiko vei au e dua na vatu lokaloka, a vakasamataka o Marie. Ena vinaka saraga me na lai toka kei ira na nona ikumuni.
A rai wavoki o Marie. A tiko ena dua tale na teveli o bubu. A sega tale ni dua e tu voleka. Ka na sega ni dua ena nanuma na vatu lailai oqo, eh?
A taura cake o Marie na vatu ka biuta ena nona taga.
Ena bogi oya, ni sa taqomaki vinaka tu na vatu ena nona kato ni vatutalei, a davo yani ena nona imocemoce o Marie.
βO sa vakarau mo vakarorogo itukuni?β A dabe ena idavodavo o Ta ka dolava na mekasini ni iTokani .
E dreta o Marie na nona itutuvi ka vakarorogo. Na italanoa e a baleta e dua na tagane ka veivutuni ni oti na nona digidigi cala.
Ni wiliwili tiko o Tamana, e a vakila o Marie ni sa vaka e mulo mai na ketena. A vuki i tutuna, ka qai vukica na nona ilokoloko. Ia e a sega ga ni vakila me vinaka. Ka sa sega ni tarova rawa na nona vakasamataka tiko na vatu lokaloka.
A vakacavara o Ta na italanoa. βO vinaka tiko?β
A sega ni kila o Marie na cava me cakava. Kevaka e tukuna vei Ta, ena rawa ni cudru o koya.
Ia ena rawa beka ni kila o koya na sala me na veivuke kina.
Vakamalua, a qasi tani mai na imocemoce o Marie ka taura cake mai na vatu lokaloka mai na nona kato. βAu a taura oqo mai na valenivola nikua.β E tonawanawa na matai Marie. βVosoti au sara.β
A mokoti koya o Ta. βE dau vinaka me tukuna vei au na ka dina. Au vakacerecerei iko ena nomu yaloqaqa mo dina.β
Sa tekivu me vinaka cake mai na ketei Marie. E sega ni cudru o Ta!
βIa ena vukui Jisu, sa rawa ni da veivutuni. Me vaka ga ena italanoa,β a kaya o koya. βVakacava me daru kauta lesu tale na vatu ki na valenivola?β
A bobo matua o Marie. βSega! Era na cudru.β
A biuta yani o Ta na ligana e tabai Marie. βEra na rairai cudru vakalailai. Ia au vakabauta ni ratou na marautaka ni o solia lesu. Ka na vakavuna mo na yalo vinaka talega kina .β
A cegu levu o Marie ka deguvacu. βSa donu.β
A taura mai o Marie e dua na tiki ni pepa ka tekivu vola e dua na ivola. βVosoti au niβu a taura na ka oqo,βa vola o koya. βAu diva meβu a kakua ni cakava. Au via vakadodonutaka.β
A vakacuruma na ivola ena dua na waqanivola. A qai biuta e loma na vatu lokaloka lailai.
βDaru na kauta lesu tale ni mataka,β tukuna o Ta. βNa cava o vakila ena gauna oqo?β
βNiβu sa vinaka cake,β tukuna o Marie. βE dua ga na ka au gadreva meβu cakava.β
A tekiduru ena nona idavodavo o Marie ka masu. βVosoti au niβu a taura na vatu,β a kaya. βAu na sega tale ni butako. Vinaka vakalevu na nomuni vukei au meβu yalodoudou ka dina.β
Ni sa lesu tale ki na idavodavo, a vakila o Marie na vakacegu. Ni mataka ena vakadodonutaka o koya na veika eso. Ka kila ni rau na vukei koya na Tamada Vakalomalagi kei Jisu. Ena vukudrau, ena daumaka na veika kece.
Droini mai vei Katie Rewse