Levu Cake na Gauna vata kei Max

Ashlyn B., yabaki 10, Washington, Amerika

Ena dua na gauna au a la‘ki keba e matasawa kei na noqu matavuvale, vica na noqu itokani, kei na noqu koli, o Max. Keitou qalo ka qito ena siga taucoko. Keitou qai sarava na vakacabote rokete ni sa buto. Sa dua na gauna vakasakiti vei keitou taucoko.

Ni sa oti na vakacabote rokete, au a vakasaqarai Max. Ia e sa yali o koya! Au a taqaya ka kailavaka yani ni sa yali o Max. Ni turuturu voli na wai ni mataqu, keitou a vakasaqarai koya taucoko e veikau. Au a vakila e dua na domo lailai ni tukuna vei au me‘u masu, ka‘u mani vakayacora vakakina. Ia na yagoqu taucoko e a vakila na malumalumu me vaka na noodles, ka‘u rere vakalevu ena vukui Max.

Keitou a sega ni kunei koya, ka keitou mani taubale lesu ki na neitou valelaca. Au a masu tikoga e uluqu, ia sa tekivu me yali na noqu vakanuinui. Au tagi toka ga me yacova ni‘u moce.

Ni oti e vica na auwa, rau a vakayadrati au na noqu itubutubu. E dabe sara toka ga e yasaqu o Max! Rau a rogoca na noqu itubutubu na lali e domoi Max ena tautuba ni neitou valelaca. Au a roqota matua ka vakavinavinaka vua na Kalou ena nona sauma na noqu masu.

Ni oti e tolu na yabaki, a vakamavoataka na dakuna o Max ka mosi vakalevu. E a sega ni rawa ni vakabulai o koya, ka sa mani tukuni me sa keirau veivakamocetaki. A vakacegui au na Tamada Vakalomalagi ka solia vei au na vakacegu. A vakananuma vei au na Yalo Tabu ni a voleka ni yali yani o Max ena tolu na yabaki sa oti, ia a vukei keitou na Kalou me keitou kunei koya. Au vakavinavinaka ni a solia vei au o Koya e levu cake na gauna me‘u lomani Max kina.

Au kila ni Kalou e dau sauma na masu ka solia na vakacegu ena gauna ni veivakatovolei. Na Veisorovaki i Jisu Karisito sa Baleti Keda Taucoko. Au sa vakavinavinaka vakalevu ena veika e vakayacora o Jisu Karisito kei na Tamada Vakalomalagi me baleta na noqu matavuvale kei au.