Na iVakaraitaki Vinaka

Mai vei Elder Mathias Held

Ena Vitusagavulu

Mai na veivakatarogi kei Haley Yancey.

Au sega ni lewe ni Lotu ni‘u se gone. Au sega ni papitaiso me yacova na gauna au sa uabula kina ka vakabisinisi.

A daunibisinisi talega o tamaqu. A lomaleqa sara vakalevu o koya ni‘u sa lewena na Lotu. A kaya, “O sa na sega tale ni gunu yaqona ni veivakamatenitaki. Oqori ena dredre sara ena soqoni era gunu vata kina na tamata kecega.”

Ia au sega ni lomaleqa. Au vakadeitaka vakai au ni kevaka e dua e solia mai vei au na yaqona ni veivakamatenitaki, au na kaya, “Sega, vinaka vakalevu.” Au na qai otataka tale e dua na ka.

Mai sivi yani e vica na yabaki, au sa cakava vakavuqa na ka oqo. Oti toka vakalailai, era sa tekivu kauwai kina o ira na noqu lewe ni cakacaka. Kevaka e soli vei au na yaqona ni veivakamatenitaki, era na kaya, “E sega ni gunu o Mathias. Kauta mai vua e dua tale na ka.” E vuqa vei ira era sa tarova talega na otataka na yaqona ni veivakamatenitaki. “Au sega talega ni vinakata,” era na kaya.

Ena dua na gauna, era a gole mai eso na vulagi ki na dua na soqoni. Sai ira ga era sa qai gunu yaqona ni veivakamatenitaki tiko.

Era tarogi au, “Na cava e sega ni dua e gunu yaqona ni veivakamatenitaki kina? Era lewe kece beka ni nomu lotu?”

“Sega,” au kaya.

Au sega ni vunau vei ira na noqu lewe ni cakacaka me baleta na Vosa ni Vuku. Au sa dei tu ga ena noqu vakabauta, ka ra raica na noqu ivakaraitaki.

O rawa ni dua na ivakaraitaki vinaka. Era na raica na tani na nomu digitaka na dodonu. O rawa ni vukei ira ena nomu bulataka na kosipeli.