“Dekā eo Erabōlbōl Ebōrbōļ,” Jera, M̧aaj 2024, 10–11.
Dekā Erabōlbōl Ebōrbōļ
Eļan̄n̄e liin ekar kwaļo̧k m̧ool, Jemān enaaj ke kar illu ippān?
Bwebwenato in ekar bōk jikin ilo Netherlands.
Marie ekar kōpeļļo̧k bo̧ok in jewelry eo n̄an lale dekā ko an raiboojoj. Juon illo̧k juon, liin ekar jibwi ilo pein. Eo ebūrōrō, innām eo emaroro, innām eo emouj.
Jibūn ekar kōļaļļaļ ilo kōjām in ruum in kiki eo. “Pojak ke n̄an etal?”
“Aaet!” Marie ekar kōkm̧anm̧an an likūt dekā ko n̄an lowaan book eo an.
Būbū ekar bōkļo̧k Marie n̄an ļaibrāre eo. Bōtaab ejjab wōt n̄an lali bok ko. Ekar wōr juon dekā aorōk kar kwaļo̧ke ijo! Marie ekar m̧ōņōņō.
Ke baj eo waer ekar tōparļo̧k ļaibrāre eo, Marie im Jibūn raar deļo̧n̄ļo̧k lowaan. Raar lo tebōļ ko im tebōļ in dekā ko raiboojoj. Jet raar erabōlbōl im meeoeo. Ro jet raar baj oktak ko kain jekjek ier.
“Lale menin!” Būbū ekar jitōn̄ļo̧k crystal eo ekilep. Ewōr ekkan̄ ko reddik rebūļu ilo aolepān.
Bar juon tebōļ elōn̄ ie dekā ko reddik, dekā re doulul. Marie ekar lale aolepān kōļar ko. lo jem̧ļo̧kin kar juon dekā ebōrbōļ, edik im erabōlbōl im meeoeo.
Ejjan̄in de wōr juon aō dekā ebōrbōl, Marie ekar ļōmņak. Enaaj kar lukkuun jetjet n̄an dekā ko an ej aeni.
Marie ekar reitok reitak. Būbū ekar pād ilo tebōļ eo juon. Ejjeļo̧k juon ekar epaak. Im ejjeļo̧k juon enaaj kar būromōj kōn dekā in edik, ejimwe ke?
Marie ekar bōk dekā eo im likūt ilo bōjo̧ eo an.
Bon̄ōn eo, kōn dekā bōrbōl eo ilowaan bo̧o̧k in jewelry eo an, Marie ekar etal in kiki.
“Pojak ke n̄an iien bwebwenato?” Jema ekar jijet ioon jikin kiki eo im kar kōpeļļo̧k māākjiin Jera eo.
Marie ekar liboboļo̧k n̄an lowaan ko̧o̧j ko im ron̄jake. Bwebwenato eo ekar kōn juon ļaddik eo ekar ukweļo̧k ālkin an kar kōm̧m̧ane juon kāālet ebōd.
Ke baba ekar riit, Marie ekar en̄jake an ānbwinin abnōnō. Liin ekar dāpilļo̧k n̄an turejet, innām ekar kōrabōlļo̧k pet eo an. Bōtaab liin ekar jab em̧man an mour. Im liin ekar jab maron̄ bōjrak jān an ļōmaņk kōn dekā bōrbōļ eo.
Baba ekar kōjem̧ļo̧k bwebwenato eo. “Em̧m̧an ke am̧ mour?”
Marie ekar jab jeļā ta en kōm̧m̧ane. Eļan̄n̄e liin ekar jiron̄ jemen, emaron̄ kar illu.
Bōtaab bōlen enaaj kar jeļā ekōjkan jipan̄e.
Jidik kōn jidik, Marie ekar tabōlļo̧k jān jikin kiki eo im kar bōk dekā bōrbōļ eo jān bo̧o̧k eo an. “Ikar bōk menin jān ļaibrāre eo rainin.” Dānnin kōmejaaļaļ ekar wōtlo̧k jān mejān Marie. “Ilukkuun būrom̧ōj.”
Jemen ekar atbakwōje. “Em̧m̧an aolep iien n̄an jiron̄ eō m̧ool eo. Eutiej būruō kōn kwe kōn am̧ peran n̄an m̧ool.”
Lo̧jien Marie ekar jino an em̧m̧anļo̧k an en̄jake. Jemān ekar jab illu!
“Im kōnke kōn Jisōs, jemaron̄ ukweļo̧k. Ejja āinwōt ilo bwebwenato eo,” jemān ekar ba. “Kōjro kōro̧o̧le dekā eo n̄an ļaibrāre eo?”
Marie ekar kiil ļo̧k māj ko mejān “Jaab! Renaaj illu.”
Baba ekar door juon pā ioon aeran. “Remaron̄ in illu jidik. Bōtaab ij ļōmņak renaaj m̧ōņōņō bwe kwoj bar kōro̧o̧lļo̧k. Im enaaj kōm̧m̧an menin an em̧m̧anļo̧k am̧ en̄jake.”
Marie ekar bōk kūtuwōn im kar em̧m̧ajidjid. “Em̧m̧an.”
Marie kwaļo̧k juon m̧ōttan peba im kar jino je juon leta. “Ibūrom̧ōj bwe iaar bōk dekā in,” liin ekar je. “Iakwe ke in kar jab kōm̧m̧an menin. Ikōņaan kajimwe wāween in.”
Liin ekar likūt pepa eo ilowaan juon kilin leta. Innām likūt dekā bōrbōļ jidikdik eo ilowaan barāinwōt.
“Jenaaj bōkļo̧k dekā in ilju,” Baba ekar ba. “Elemen am̧ en̄jake kiiō?”
“Em̧m̧anļo̧k,” Marie ekar ba. “Ebar wōr juon men ij aikuj in kōm̧m̧ane.”
Marie ekar bukwelōlōl turin jikin kiki eo an im kar jar. “Ij būrom̧ōje aō kar bōk dekā eo,” liin ekar ba. “Ijjamin naaj bar ko̧o̧t. Kom̧m̧ool kōn Am̧ jipan̄ eō erom peran im m̧ool.”
Ke liin ekar bar rool n̄an jikin kiki eo, Marie ekar en̄jake aenōm̧m̧an. Ilju liin enaaj kajim̧we wāween ko. Im liin ekar jeļā Jemedwōj Ilan̄ im Jisōs renaaj kar jipan̄ e. Kōnke kōn Er, aolep men renaaj Em̧m̧an.
Kōmeļeļe ko jān Katie Rewse