Juon Waanjon̄ak Em̧m̧an

Elder Mathias Held

Jān Jiljilimjuonn̄oul eo

Jān juon intōrpiu ippān Haley Yancey.

Ikar jab juon membōr in Kabun̄ in ke ikar juon ajri. Ekar jab m̧ae iien eo ikar juon rūtto im juon businessman ikar baptise.

Jema ekar barāinwōt juon businessman. Ekar lukkuun inepata ke ikar kobatok ilo Kabun̄ in. Ekar ba, “Ejako am̧ idaak dān in kadok. Enaaj pen ilo kweilo̧k ko ijo aolep rej idaak ippān doon.”

Bōtaab ikar jab inepata. Ikar jokāālet menin ke juon eo ekar letok nim̧ō kadōk, ikōn ba, “Kom̧m̧ool, ijjab.” Innām ikōn wōrtar bar juon men.

Iiō ko raar eļļāļo̧k, im ikar kōm̧m̧ane menin elōn̄ alen. Ālkin jidik iien, rijerbal ro m̧ōtta raar kile. Eļan̄n̄e kar letok nim̧ō dān in kadōk, raar ba, “Mathias ejjab idaak dān in kadōk Bōkļo̧k n̄an e bar juon men.” Ekar lōn̄ļo̧k im bar lōn̄ļo̧k iaer ekar bōjrak aer wōrtar dāb in kadōk barāinwōt. “Ijjab bar kōņaan jabdewōt,” raar ba.

Juon iien, jet rilotok raar itok n̄an juon kweilo̧k. Raar er wōt ro raar idaak dān in kadōk.

Raar kajjitōk ippa, “Etke ekar ejjeļo̧k juon ekar idaak dān in kadōk? Rej aolep membōr in kabun̄ eo aō ke?

“Jaab,” ikar ba.

Ikar jab kwaļo̧k naan n̄an rijerbal ro m̧ōtta kōn Naan in Mālōtlōt. Ikar pen ilo tōmak ko aō, im raar kile waanjon̄ak eo aō.

Kwomaron̄ erom juon waanjon̄ak em̧m̧an barāinwōt. Ro jet renaaj kile n̄e kwoj kāālet jim̧we eo. Kwomaron̄ jipan̄ er wōt kōn mour kōn gospel eo.