M̧ōttan ko n̄an Ajri ro Rōrūttoļo̧k

Ta eo ilo Ļōmņak eo Am̧?

Etke ta eo Ij alooje ak ron̄jake ekanooj in aorōk? Ejjab kōmetak jabdewōt.

—Juon Armej ilo Helsinki Ejjab Kakkure

Kōmeļeļe ko jān Shawna J. C. Tenney

Iakwe Armej eo Ejjab Kakkure,

Aolep men ko kwoj alooje ak ron̄jake ejelet ekōjkan am̧ ļōmņak, en̄jake, im m̧akūtkūt. Im bwe ej jelet armej eo kwoj erom.

N̄an erom kwe eo em̧m̧an tata, alooje im ron̄jake men ko rem̧m̧an tata. Kar katakin kōm n̄an kappukōt men ko me rej “wānōk, karbōb, ak em̧m̧an ekkōnono kake ak nebare” (Laajrak in Tōmak ko 1:13). Im jemaron̄ jeļā juon men ej em̧m̧an eļan̄n̄e ej kōm̧m̧an bwe jen kōņaan kōm̧m̧an em̧m̧an im “n̄an tōmak ilo Kraist” (Moronai 7:16). Ta eo kwoj alooje ak ron̄jake ej kanooj in aorōk kōnke kwoj kanooj lukkuun aorōk.

Ilo Iakwe,

Eo Jera

Laajrak in Media Em̧m̧an

Kōjerbal laajrak in n̄an kanooj lale bwe kwoj leļo̧k n̄an kōmālij eo am̧ em̧m̧an media ko wōt rem̧m̧an!

• Ej kōkōbakbak im ej jipan̄ en̄jake em̧m̧an itulowa.

• Ej katakin eō men ko rem̧m̧an.

• Ej jipan̄ eō kōņaan pokake kien ko an Anij.

• Ej im̧we eō n̄an kōm̧m̧ani men ko rem̧m̧an.

• Ej kautiej im ejokkun wōt juon ippān jon̄ak ko an baam̧le eo aō.