Pedped ko Reppen

Inepata kōn Nuknuk

Kōmeļeļe jān Alyssa Gonzalez

Ke iaar pād ilo high school, kar kālet eō n̄an bōk koņaaō ilo juon iien fashion show n̄an juon iien eļap an jikuuļ eo ej kōm̧m̧an aolep iiō. Ikar jeļā bwe coordinator eo enaaj kar kālet nuknuk ko me rejjab karbab, kōn menin ikar ba n̄ane bwe iban bōk koņaaō eļan̄n̄e nuknuk eo ij aikuj kōņake ejjab karbab. Ekar ba bwe enkar em̧m̧an aolep men.

Ke n̄a im ro m̧ōtta ekar etal n̄an lale nuknuk ko am, ikar pok. Kōjekdo̧o̧ņ ta eo rilolorjake eo ekar jiron̄ eō, aolep nuknuk ko raar oktak jān jon̄ak ko kōn nuknuk im paotokin ilo N̄an Kōkajoorļo̧k Jodikdik ro bok jidikdik eo. Kōnke kar loe bwe ejjeļo̧k kar wāween n̄an kajim̧we, ikar kajjieon̄e juon iaan nuknuk ko rejjab karbab. Ikar kōņaan bwe in jejjōt, ak ke ikar kōņake nuknuk eo, ekar oktak aō en̄jake. Ikar ļōmņak, “Ekōjkan aō naaj en̄jake ilo im̧aan Mejān Irooj ilo kain nuknuk rōt in?”

Ikar ļōmņak kōn wāween aō maron̄ diwōjļo̧k jān jekjek in. Āliktata, ikar loe nuknuk in prom eo an leddik eo jeiu, eo im ekar ekkar n̄an jon̄ak ko an Irooj. Ke ikar ba n̄an ro m̧ōtta bwe inaaj kar kōjerbal nuknuk eo aō make, ikar maron̄ jeļā jān jekjek in aer reitok bwe rej ļōmņak enaaj kar jejjōtļo̧k aō kōņake nuknuk eo ejjab karbab. Jeraam̧m̧an, rilolorjake eo ekar ba EMMAN n̄an kōņake nuknuk eo ekarbōb.

Ekar jako aō inepata, im ikar kajoor. Ikar jab kea kōn ta eo ro m̧ōtta rekar ļōm̧nak. Ikar lo juon iaļ n̄an bōk koņaaō kōn juon nuknuk aiboojoj im karbab. Ikar kam̧oolol bwe ekar wōr peran ippa n̄an dāpij utieej in jon̄ak in mour ko aō, eļaptata ke eaar jab pidodo ak bun̄būn̄.

Jessika S., Indonesia