“Kalōk Zaion ilo Bōro Kuk” N̄an Kōkajoorļo̧k Jodikdik ro, Jept. 2021, 20.
Naan eo Āliktata
Kalōk Zaion ilo Bōro Kuk
Pedped ioon juon enaan ilo kweilo̧k eo eļap an Oktoba 2008 eo.
Zaion ej juon jikin im armej ro jim̧or. Zaion ekar āt eo kar leļo̧k n̄an jikin kweilo̧k eo an Inōk etto Irooj ekar kūr armej ro an Inōk “kōnke rekar juon wōt ilo bōro im juon wōt ilo ļōmņak, im rekar jokwe ilo wānōk; im ar ejjeļo̧k rijeram̧ōl ilubwiljier” (Moses 7:18). Bar jet jikin Ekar ba, “Bwe en̄in ej Zaion—ro erreo burueer” (Katak im Bujen Ko 97:21).
N̄an ejake Zaion ilo m̧oko im̧ōd, branch ko, ward ko, im stake ko, jej aikuj (1) erom̧ bōro kuk ilo juon bōro im juon ļōmņak; (2) erom̧ armej ro rekwojarjar; im (3) kea kōn rijarm̧ōl ro im riaikuj ro. Jejjab maron̄ kōttar m̧ae iien eo Zaion ej itok kōn men n̄an aer waļo̧k—Zaion enaaj itok wōt ilo an men kein kōm̧m̧an.
Jenaaj erom̧ juon bōro im juon ļōmņak āinwōt ad kajjojo likūt Rilo̧mo̧o̧r eo ilo ioļapļap in mour ko ad, ļoor ro em̧ōj An kappeik er n̄an tōl kōj, im bōro kuk ilo iakwe im inepata kōn doon. Bōro kuk in im iakwe eo n̄an doon, kar korļo̧ke taujin alen ilo jekjek ko roktak jān doon, naaj “jepḷaaktok n̄an Zaion.” (Aiseia 52:8).
Kōmeļeļe jān Albert Pinilla