“Āinwōt epen dāpij wōt jon̄ak ko n̄e aolep ro ijeļā kajjeer rej pād ilo jemjerā eo em̧ool ippān juon. Ta eo ij aikuj kōm̧m̧ane?” N̄an Kōkajoorļo̧k Jodikdik ro, Jept. 2021, 29.
Kajjitōk ko im Uwaak ko
“Āinwōt epen dāpij wōt jon̄ak ko n̄e aolep ro ijeļā kajjeer rej pād ilo jemjerā eo em̧ool ippān juon. Ta eo ij aikuj kōm̧m̧ane?”
Eddōkļo̧k An Juon Make
“Kajjieon̄ bwe en wōr juon am̧ jibadbad indeeo im joļo̧k am̧ iien kaddōkļo̧k jemjerā ko rem̧wilaļo̧k ippān baam̧le eo am̧ im ro m̧ōttam̧. Jon̄ak kein remourur renaaj kepaakļo̧k eok n̄an ro jet kōnke renaaj loe kwe eo em̧m̧antata—m̧ool in kwe!”
Ellie S., 17, California, USA
Kappukot Tōl
“Eļan̄n̄e woj apan̄ kōn en̄jake in ajimakeke, kajjitōk ippān Jemedwōj Ilan̄ bwe en lewaj kainem̧m̧an. Jetōb Kwojarjar eo enaaj tōl eok im pād n̄an jipan̄ eok. Barāinwōt, kwomaron̄ iien otemjej kajjitōk ippān ro jinōm̧ im jemam̧ im ritōl ro kōn naan in rejan̄, kōnke em̧ōj aer pād ijo kwoj pād ie!”
Jaime G., 17, Nuevo Casas Grandes, Mexico
Kōm̧m̧an Ro Jeram Rekāāl
“Ikajoor kakemeemej eō make bwe Anij ej iakwe eō. Innem ikajoor bōk iien eo em̧m̧an n̄an enaan ippān ro m̧ōtta jān jem̧aan, im ikajoor kōm̧m̧ani m̧akūtkūt ko n̄an kōm̧m̧an jera ro rekāāl. kwomaron̄ kōjerbal iien in n̄an ejake lōke eo am̧, tōļan ko, im naan in kam̧ool, im enaaj em̧m̧an aolep men.”
Julia S., 12, Alberta, Canada
Naan in Kapilōk an Rikanaan eo
“Emaron̄ pen n̄an ļōmņak kōn mour indeeo n̄e ‘kiiō’ ej āinwōt eļapļo̧k an aorōk. Keememej bwe rikanaan ro im ritōl ro jet an Kabun̄ in rej lukkuun kapilōk n̄an jab pād ilo jemjerā ko ilo iiō in jodikdik ko, aaet bar ālikin 16 iiō. Jemjerā ko eļap aer kajoor n̄e kwoj jodikdik wōt emaron̄ tōl eok n̄an rūb bōro im ko̧kkure kien erreo. Komaron̄ barāinwōt kajjitōk ippān Jemedwōj Ilan̄ kōn ta eo em̧m̧antata n̄an am̧ kōm̧mane.”
Julia C., 17, Utah, USA
Bōk kuņaam̧
“Juon wāween em̧m̧an n̄an en̄jake ad ekkeijel ej n̄an bōk kūņaad ilo men ko jet. Kajjieon̄ e juon jikin ikkure ekāāl, kajjieon̄ e juon tieta an jikuuļ, ak kobaļo̧k ilo juon robotics club. Eļan̄n̄e kwoj kōm̧m̧ane juon men em̧m̧an ippem, kwonaaj ioon armej ro em̧m̧an ippem̧ pād itūrier.
Mayah S., 16, Beijing, China
Ej Am̧ Kālet
“Eļan̄n̄e em̧ōj an 16 am̧ iiō, komaron̄ kālet eļan̄n̄e kwoj kōņaan etal ippān juon im kwe make. Ak n̄e kwōj kom̧m̧ane kālet in, jab ļōmņak kōn ta eo ro jet remaron̄ ļōmņak kōn kwe. Eļan̄n̄e kwoj en̄jake am̧ pojak, innem kōm̧m̧ane. Eļan̄n̄e kwojjab pojak, jab kōm̧m̧ane.”
Felipe M., 14, Rio de Janero, Brazil
Jemjerā ko Jet Reaorōk
“Men̄e kwojjab pād ilo juon pād ilo juon jemjerā ippān ‘juon m̧ōttam̧,’ ej wōr wōt jemjerā ko rem̧m̧an am̧ ippān ro m̧ōttam̧ im baam̧le eo am̧ ipeļakūm̧. Kon kam̧m̧oolol kōn jemjerā kein. N̄an kōkajoorļo̧k er, kon kōm̧m̧an āinwōt m̧wilin Kraist im kōm̧m̧an waanjon̄ak em̧m̧an.”
Taylee L., 17, Utah, USA
Kōttar n̄an Ijjino Jemjerā ko Rem̧ool
“Em̧m̧an ippa ilo aō jan̄in pād ilo juon jemjerā. Jet iaan ro m̧ōtta rejjab iaieo ippa kōnke rej joļo̧k aolepān iien ko aer ippān ļaddik ro jerāer. Ij en̄jake bwe ewōr aō iien n̄an ioon im jeļā kajjeen armej ro ilo aō jab m̧ōkaj in kōm̧m̧an kālet ko reaorōk.
Gina C., 16, Nuevo Casas Grandes, Mexico
Jab Kipel Eok Make
“Em̧ōj aō en̄jake ejja en̄jake in wōt, ak jar n̄an Irooj, ritti jeje ko rekwojarjar, im ekōnono ippān ro jinō im jema ekar jipān eō. Jejjab aikuj ļōmņak rej kōkairir e kōj, kōnke Irooj enaaj jipan̄ kōj jela n̄āāt eo ejim̧we. Bōk limo ilo mour eo am̧, im joļo̧k iien ippān ro m̧ōttam̧ im baam̧le eo am̧ ilo am̧ jodikdik wōt! Iien in ilo mour eo am̧ ej waļo̧k juon wōt kattōn, kōn menin jab ļōmņak in kam̧ōkajļo̧k.”
Victoria G., 16, Nuevo Casas Grandes, Mexico