“Fakafehokotakí,” Ki Hono Fakamālohia ʻo e Toʻu Tupú, ʻOkatopa 2021.
Fakafehokotakí
Alexander R.
18, Vaikena, Noaue
Faitā ʻa Ashlee Larsen
ʻOku ou saiʻia taha ʻi he folau tahí, ʻo tatau pē pe ko e feʻauhi pe ko e fakafiefia pē. ʻOku tuʻo lahi ʻeku folau tahi fakataha mo hoku māhangá. ʻOku fakalata ʻaupito ʻa e ʻalu ki tahi ʻiate kimaua peé.
ʻOku tokoniʻi au ʻe he ʻEikí he taimi ʻe niʻihi ʻi heʻeku folaú. Kapau ʻoku ou loto-hohaʻa ʻi heʻeku teu folaú, he ʻikai ke u lava ʻo fakakaukau lelei. Ka ʻoku ou fakakaukau leva ki he ngaahi meʻa lelei kotoa pē kuo foaki mai ʻe he ʻEikí kiate aú, peá u ongoʻi nonga ange.
Kuo ʻomi foki ʻe he ʻEikí ʻa e nongá ki hoku fāmilí. ʻOku ʻikai kau ʻeku tangataʻeikí ki he Siasí, ka ʻokú ne poupouʻi maʻu pē au mo hoku ngaahi tokouá mo e tuofāfiné. ʻOku mau hangē ha kau faifekau ki heʻemau tangataʻeikí koeʻuhí ʻoku mau tā ha sīpinga lelei. ʻI he taimi naʻe ʻalu ai hoku taʻoketé ʻo ngāue fakafaifekaú, naʻe mahuʻingaʻia ʻaupito ʻeku tangataʻeikí ʻi he founga ne ako ai ʻe hoku taʻoketé ʻa e ongoongoleleí mo tokoniʻi e kakaí. ʻI he taimi te u ʻalu ai ʻo ngāue fakafaifekaú, ʻoku ou fakaʻamu ʻe toe lahi ange ʻene mahuʻingaʻia ʻi he ongoongoleleí. ʻOku ou ʻamanaki pē te ne fie papitaiso ʻi ha ʻaho.