Spurningar og svör

„Hvernig get ég hjálpað þeim vinum mínum sem ekki eru virkir í kirkjunni að styrkja vitnisburð sinn?

„Það er ekki auðvelt fyrir nýja meðlimi, endurkomna vini og þá sem hafa öðruvísi lífsstíl, að falla strax í hópinn. Drottinn er meðvitaður um þær áskoranir sem þeir standa frammi fyrir og hann er að leita að … englum sem eru tilbúnir til að hjálpa.“

Öldungur Carlos A. Godoy, af hinum Sjötíu, aðalráðstefna, október 2020,.

Vera öðrum blessun

„Þegar ég reyni að hjálpa vini að styrkja vitnisburð sinn, reyni ég að vera blessun og stuðningur í lífi hans. Ég reyni að vera fyrirmynd og sýna honum að fagnaðarerindi Krists getur styrkt vináttu hans og fjölskyldusambönd, ef hann leitast við að vera hlýðinn og réttlátur. Mér finnst gott að hjálpa honum að finnast hann elskaður.“

Selina O., 19, Bólivíu

Alltaf að bjóða

„Þið getið kennt vinum ykkar kærleika og miskunn Jesú Krists og hvernig hann getur hjálpað þeim. Bjóðið þeim að koma í kirkju og mæta í ungmennakennslu með ykkur. Þetta getur hjálpað þeim að þróa sterkan vitnisburð um Jesú Krist.“

Shara R., 12 ára, Kólumbíu

Fyrst og fremst vinur þeirra

„Ég reyni alltaf að hafa alla með og tryggja að vinir mínir viti að ég er að hugsa um þá. Ég veit að ég get verið þeim ljós, er ég viðheld vináttu okkar og kærleika. Ég get boðið vinum mínum á kirkjuviðburði, en ég er alltaf fyrst og fremst sannur vinur þeirra. Vitnisburður vina ykkar mun styrkjast þegar þeir sjá kærleiksríkt fordæmi ykkar og styðjandi vináttu.“

Mia D., 19, Flórída, Bandaríkjunum

Kristur mun hjálpa ykkur

„Það getur verið erfitt að eiga lítt virka vini, en mér finnst gaman að bjóða vinum mínum í skemmtilegt unglingastarf eða í kirkju þegar ég er að flytja ræðu. Ef þeir sýna áhuga, gef ég þeim Mormónsbók með vitnisburði mínum og auðkenndum versum sem hafa vakið áhuga minn. Munið að Kristur mun hjálpa ykkur í hvaða aðstæðum sem er.“

Elizabeth B., 15, Flórída, Bandaríkjunum

Sýnið bara góðvild

„Ég spurði trúarskólakennarann minn þessarar spurningar. Hann sagði: ,Sýndu bara góðvild, Jordan. Þú ert nú þegar að gera rétt.‘ Upphaflega hugsaði ég: ,Það er ekki nóg að sýna bara góðvild. Ég hugsaði síðan um vinkonu mína sem þurfti vináttu mína og fordæmi. Andinn hjálpaði mér að sýna góðvild og vita hvað ég ætti að segja. Hún vill nú láta skírast einhvern daginn!“

Jordan S., 17 ára, Utah, Bandaríkjunum

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Foreldrar mínir rífast oft. Hvað get ég gert til að viðhalda andanum á heimili okkar?“

Sendið svar ykkar og mynd fyrir 15. apríl 2023.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work.“ Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit].“ Smellið á „Add File [Bæta við skjali]“ til að velja skrá og mynd og smellið svo á „Submit [Senda]“ til þess að hlaða þeim upp og senda okkur.

Svartexti kann að verða styttur eða lagaður til.