“Te Riki bwa Ana Reirei: Tera ao E Kanga,” Ibukin Kakorakoraia Kairake, Tianuare. 2024.
Te Riki bwa Ana Reirei: Te Tera ao Kanga
Bwa ko aonga n ataia bwa antai raoi ngkoe ni koaua ao n riki bwa aekakira ngkoe, taui aika uoua aikai tera ao e kanga aron rikim bwa ana reirei Iesu Kristo.
“Antai Ngai?”
Bon te titiraki ae a kakaea kaekaana kairake aika a mwaiti. Ngkai ko rikirake ao n reiakinna ao ni karikirakeko n oin am kawai ae okoro, ko bon mimi ibukin kinaakim, tera ae karekea nakoim kinakim. E anganiira te kairiiri ae kakawaki Beretitenti Russell M. Nelson n te titiraki aei:
“Antai Ngkoe? Te moan ao ae kakawaki riki, ngkoe bon natin te Atua, te nati ni berita, ao ana reirei Iesu. Ngkai ko kamatoai koaua aikai, Tamara are i Karawa e na buokiko ni kakoroa nanon am kouru ae kakawaki bwa kona maiu n akea tokina n Ana tabo ae tabu” (“Rinerine ibukin te Maiu ae Akea Tokina” [worldwide devotional for young adults, Meei 15, 2022], broadcasts.ChurchofjesusChrist.org).
E reirei Beretitenti Nelson bwa akea te ara teuana ae e kakawaki riki nakoim nakon kinaakim aikai: (1) natin te Atua, (2) nati n te berita ae tabu, ao (3) ana reirei Iesu Kristo.
Bannan te tia Reirei
Ti na taetae riki teutana ibukin te kateniua, ana reirei Iesu Kristo. Ko na kanga n kamatoaa ni koaua te kinaaki aio ao n riki bwa ana reirei?
N Iriira te Tia Kamaiu ao n rki bwa Ana reirei, ko na kabanea am iango iaon aikai tera ae ko karaoia ao Ko na kanga ni karaoia.
Te katooto, e tangiriira te Tia Kamaiu bwa ti na anga ngaira nakoia tabeman ao ni beku ibukiia, ma E kaoira bwa ti na karaoia raoi ma kukurein nanora n aki ngurengure. Ngkana ti tangiria n angaanga ao n beku, ti karekea te kabanea ni bubura ni kaniwanga n rikira bwa ana reirei ni koaua. (Taraa 2 Korinto 9:7; Moronaai 7:8.)
Ma ngaia are, ti na taraia bwa tera ae a karaoia reirei ao a kanga ni karaoia.
Tera ae e Kakaraoia ana Reirei
Aikai tabeua mai buakon aika a mwaiti ae e kona ni karaoia ana reirei Kristo n iriira te Tia Kamaiu.
-
Kammwakura te onimaki n aroia reirei ni kammwakura aia onimaki.
-
Beku n aroia reirei ni beku.
-
Tataro n aroia reirei n tataro.
-
Kamatebwai n aroia reirei ni kamatebwai.
-
Rairannano n aroia reirei n raira nanoia.
-
Iango n aroia reirei ni iango.
-
Tangira te Atua n aroia reirei n tangira te Atua.
-
Tangiria Aomata n aroia reirei n tangiria aomata.
-
Anga te Reirei n ai aroia reirei n anga te reirei.
-
Teimatoa n aroia reirei n teimatoa.
E na Kanga ni Karaoia te tia Reirei
Aikai tabeua kabwarabwara bwa a kanga aroia reirei ni karaoi bwaai aikai. A mwaiti mai buakon kabwarabwara aikai ae a kaineti nakon bwaai aikai. Tabeua mai iai a kona ni kaineti ma ni kabane.
-
Ma naano ao iango aika a boboto iaon Iesu Kristo
-
Karaoia ma Nanom
-
Nanorinano
-
Ma te tangira
-
Ma te Wanawana
-
N Tainako
-
Ma te Nano Raoi ni Koaua
-
Iangoia
-
Raomi ni Koaua
-
Akean te kakaokoro ke te kairiribai
-
Taotaonakinnano
-
Korakora
-
Ninikoria
-
Kaineta am taratara nakon kainnanoia tabeman
-
Kabotoa maiu iaon koroboki aika tabu
-
Aki Bibitaki
-
Kakaraoa ae Raoiroi
-
Onrake n te kaantaninga
-
Ma te nano ae korakora n riki n aroia Tamara are i Karawa ao Iesu Kristo
-
N aki kai kairiiriaki
Ko kona n karekea ae raoiroi man iangoan taekan tera ae ko na karaoia n iriira te tTa Kamaiu ao ko na kanga ni karaoia. Ngkana ko namakinna bwa ko na karaoi tabeua bitaki n kanoan aikai, e rangi n tikiraoi. Ai aron ae wirikiriki te Tamnei nakoim bwa ko na riki bwa te reirei ae tamaroa riki.
Te Kinaaki ae Kamatoaki ao n Kawakinaki
N aron ae taku Beretitenti Nelson, te riki bwa ana reirei Iesu bon te mwakoro ae kakawaki ni kinakim. Ngkai ko kamatoa ao ni kawakina te kinaaki aei, e na buokiko Tamam arei Karawa bwa ko na riki bwa te aomata ae E ataiko bwa ko kona n riki bwa anne—te aomata are iroum, i nanom, ko bon tangiria n riki nako iai.