“Katoma,” Ibukin Kakorakoraia Kairake, Tianuare 2024.
Katoma
Nelina N.
Sofia, 12 ana ririki, Bulgaria
Tamnei iroun Christina Smith
A aki rangi ni mwaiti kaain ana Ekaretia Iesu Kristo ibukiia Aika Itiaki ni Boong aika Kaitira n te tabo ae I maeka iai. I tataningaa ana kariaia tamau bwa N na bwabetitoaki, ma I rangi ni kan bwabetitoaki. Ni katoa bong, I tataro bwa e na kariaia.
N te bong teuana e tareboon ao n tuangai bwa I konaa ni bwabetoaki! I bon rangi ni kukurei! I ataia bwa au rinerine e bon buokai n iriira mwanekan Kristo.
Ngkai kain te Ekaretia ae boou, I rangi n tangiria n beku ibukina bwa I teimatoa n nooria aomata ake tabeman n beku. I tataro mwaaka bwa e na anganai te Atua temanna ae N na beku ibukina. N te tairiki teuana inanon miiu, I noora te aine n te tabo n nakonako irarikin te tabo n turein ae kainnanoa te ibuobuoki imwiin bwakana man ana kaintekateka. Imwina, ngke ngai ma tamau ti mwananga n te kawai i rarikin te tabo n turein, I noora te aine ae bwaka man ana kaintekateka. Bon te aine raoi are I nooria i nanon miiu! Bon te bwai ae I rinanona ae tabu irou ngkai I kona ni buokia.