“I kainnanoa te kaetieti ni bairean aia waaki ni kakukurei kairake. Tera tabeua iango aika raraoi?,” Ibukin Kakorakoraia Kairake, Tianuare 2024.”
Titiraki ao Kaekaia
“I kainnanoa te kaetieti ni bairean aia waaki ni kakukurei kairake. Tera iango tabeua aika raoiroi?”
Ikaruoruo ao Kaai ni Babaire
“Ti ikaruoruo ni katoa wiiki ni baairei waaki ni kakukurei. E kanakoa te bwaranano iroun temanna, ao ti karekei iango aika a kakaokoro. Karaoan te waaki ni kakukurei are kam kaai ni baireia e rangi ni ibuobuoki. Ti kukurei ni takakaro, ni kaai ni ngare, ao n karaoa te mwakuri ni ibuobuoki.”
Adelynne S., 17 ana ririki, Utah, USA
Kairiia tabeman nakon te Tia Kamaiu
“Tuangiia kaain am kiraati ke kooram bwa tera ae a kukurei ni karaoia. Rinei waaki ni kakukurei are e na karekea ikotakia ni kabane kairake ao n nakon te Tia kamaiu, ao n karekea te kukurei irouia! Tabeua waaki ni kakukurei a bon riki bwa mamaten nanou n taainako. I kakarekeia raraou aika a boou iai n taainako!”
Nei Katie G., 18 ana ririki, Washington, USA
Kataia ni Kairiia aomata ni kabane
“Waaki ni kakukurei ake a kona ni ira buakona ni kabane a kona ni karekea namakinan te butimwaai riki nakoia tabeman. Titirakinaia kaain am kurubu bwa tera mamaten nanoia ke bwaai tabeua are a kukurei iai e rangi ni ibuobuoki.”
Lily D., 13 ana ririki, Arizona, USA
Titiraki Teniua
“Au kiraati e aki toki ni bairei waaki ni kakukurei ae boboto iaon teniua titiraki: Tera ae ti riai ni kanakoraoia? Antai ae ti riai ni boutokaia? E a boo tain te waaki ae aki taua te tai ao te korakora nakon waaki riki tabeua? Ma bwaai aikai n te iango, tataro, iangoana raoi, ao te kaai n reirei. E reke raoi aio iroum!”
Isabella R., 14 ana ririki, Oregon, USA
Korakoran te Tamnei
“Ko na kainnanoi tabeua ana maekatiin te Aro bwa ko aonga ni koreia mai iai taamnei ni kaeti ma te maiu n tamnei ke rongorongo ake anaa nanom. Imwiina booti bwaai ake ko korei n te kai n taamnei ae okoro baireakina. Ko konaa ni katikua n te tabo ae ko konaa n nooria iai.”
Florence M., 14 ana ririki, British Columbia, Canada