Ana Reirei Iesu Kristo

Taraia bwa e kanga ana kabwarabwara Moomon ibon ibukina ni kaineti nakoim naba.

ana reirei Iesu Kristo

Te taeka ae te reirei nanona te aomata temana are e reiakinaki mairoun te tia reirei ke te mwatita (n aron ataein te reirei ke te tia kataneiaaki).

Ana reirei Iesu Kristo a reiakinaki Irouna, iriira Ana reirei nako, ao n keiaki bwa a na riki n ai Arona.

weteaki irouna bwa a na katanoata ana taeka

Tabeman aomata a karekea te wewete ae onoti ni katanoata ana taeka Kristo, n aroia mitinare. Ma rinanon ara berita ae tabu, ti berita bwa ti na kawakina Ana tua nako, ni ikotaki ma te tua bwa ti na riki bwa te ota nakon te aonaaba (taraa Mataio 5:14–16). Ti a kaota nanora bwa ti na “tei bwa taan kakoaua ibukin te Atua n taainako ao ni bwaai nako, ao n taabo nako”(Motiaea 18:9).

Ni kabane kaain Ana Ekaretia Iesu Kristo ibukiia Aika Itiaki ni Boong aika Kaitira a weteaki bwa a na buoka katiaan ana mwakuri te Uea ao n tibwaa ana euangkerio (taraa Reirei ao Berita aika Tabu 38: 40– 41).

te maiu are aki toki

Akea tokina nanona te maiu n te Aba n Uea ae Tiretio ma Tamara are i Karawa ao Iesu Kristo. Aio bon te kaniwanga ibukia aomata ake iai aia onimaki iroun Iesu Kristo, raira nanoia, karaoa ao ni kawakina aia berita ae tabu, ao n teimatoa n uaa te toki.

E taku te Uea, “Aio bon au mwakuri ao mimitongiu, ni karekea te aki mamate ao te maiu are akea tokina ibukin te aomata.“ (Mote 1:39). Ana reirei a buoia ni katiaa Ana mwakuri.