Nakomai, Iriirai

1 Nibwaai 3–4; 17–18

Rinanon Waaki Aika Boou

Iroun Brynn Wengler

Ana Maekatin te Ekaretia

Aio te reirei ni kaotan te bwai teuana ae kaunga ae ko kona n reiakiniia am utu ke te kiraati i nanon Nakomai, Iriirai n te namwakaina aei.

Rinanon Waaki Aika Boou

Kaewea te PDF

Ngkana ko kataa karaoan te bwai ae boou, ko na karekea te namakin n aekan Nibwaai ngke e ukoukori bwaatua buraati, n aki atai moa baika [ko]I riai n karaoi” (1 Nibwaai 4:6). Ma uringnga, ko aki maroaa, riki ngkana ko karaoa te bwai ae tua te Atua.

Bwaai n reirei

• Te beebwa ae bwaoki n abwabwaaki ibukia kaka temanna (te beebwa are e kakabonganaaki n te mitin n boreeti ae koreaki mai nukana e rang n tamaroa!)

• Te bwai ae ko na koroboki ke n korotamnei iai

1. Aki Ataia Mai Mwaaina

Angania aomata n tatabemaniia te mwakoro n beebwa. Ma tai tuangiia bwa tera ae a na karaoia ma ngaia. Ma irarikina, marooroakinna bwa ti kanga ni karekea te kaotioti mairoun te Atua teutana mwiin teuana, n ai aron Nibwaai ni karekean te bwaatua buraati (taraa 1 Nibwaai 3–4) ke kabaekin te kaibuke (taraa 1 Nibwaai 17–18).

2. Teutana imwiin Teutana

Ao ngkai e a roko ni kaungana! Wareki kaetieti aikai ni kabaibati teuana imwiin teuana ni buoka am kurubu ni boota aia mwakuri are a karaoia i bon irouia. (E rangi ni kangaanga n akean tamnei! Ngkana a kainnanoa te ibuobuoki riki, tuangiia bwa a kona n kaninganingaa aron karoana teutana te tai.)

3. Kaotioti: Kairaki iroun te Tamnei

A riai ngkai am utu ke am kiraati ni karekea te booti te beebwa ae boou! Anaa tabeua te miniti n marooroakina taekan taai ngke ko rangi ni kainnanoa ana kairiiri te Atua “teutana mwiin teutana.” Ko kona naba n korea ke korobanna te bwai iaon am booti n ururingi taai akanne.

Ngkane ngkana e kaoti te bwai ae boou ni maium, tai mwaninga n ukora te kaotioti mairoun te Atua. Uringnga, E na katauraoa te kawai te Uea ibukira bwa ti na kakoroi nanon baike e a tia n tua (taraa 1 Nibwaai 3:7).

Kaetieti

1. Taua te mwakoro ni beebwa mai tabona ae uarereke mai ieta. Rukumma nakon iterana, mai eta nako naano.

2. Manga rukumma riki man te maing nakon te atai, imwiina kauka te beebwa man mwiin rukumana are ko a tia ni karaoia.

3. Ma tabona ake mai i eta ake a rukumaki, taui koona ake uoua mai ieta ao rukumma rikaaki nakon rain ae tane imwiin te rukurukum are e oti mai nuukan te beebwa. E riai n riki bwa taraan te triangle ma te baoki ae ababaki mai i nano.

4. Anaa tabon te beebwa ane mai i nano n am triangle ao rukumma tabona are mai ieta n waerake. Rairia nakon iterana ao manga karaoa tabona are ni iterana.

5. Katikia ni kauka iterana are mai i nano bwa e aonga n riki bwa taraan te bwara.

6. Katikia ni karokoa tabon beebwa mai ieta a kaitiboo ao n tiranako n katea tamnein te taiman.

7. Ma ane e uki are mai i nano, rukuma te moan baa ni waerake nako etan te taiman. Rairia nakon iterana ao manga karaoa tabona are ni iterana. E na riki bwa ai aron te triangle.

8. Katika kauka iterana are mai i nano ao n katiraa n aron are ko karaoia n mwaneka 5 ao 6 nakon taraan te taiman.

9. Mai ieta n am taiman e na riai n iai uoua baan triangle n maingina ao ataina. Katiki akanne ni kaotinakoa ao ni katiraa bwa ko aonga ni karekea taraakin te bwai ae aua iterana ae aaki titebo abwakiia. Imwiina taona kaotinakoa iterana ni buokia bwa e na tei i bon irouna.