Ikonektar

Nelina N.

12, Sofia, Bulgaria

Litrato pinaagi ni Christina Smith

Dili kaayo daghan ang mga miyembro sa Ang Simbahan ni Jesukristo sa mga Santos sa Ulahing mga Adlaw diin ako nagpuyo. Kinahanglan akong maghulat sa pagtugot sa akong amahan nga mabunyagan, apan ako sa tinuod gusto gyod kaayo. Matag adlaw, akong giampo nga siya motugot kanako.

Usa ka adlaw niana siya mitawag ug misulti kanako nga ako mahimong magpabunyag! Naghinamhinam ako pag-ayo! Nahibalo ako nga ang akong pagpili motabang kanako sa pagsunod sa mga tunob ni Kristo.

Isip usa ka bag-ong miyembro sa Simbahan, ako sa tinuod gusto nga moserbisyo tungod kay kanunay ako nga makakita og ubang mga tawo nga nagserbisyo. Kanunay akong nag-ampo nga ang Dios mohatag kanako og usa ka tawo nga serbisyohan. Usa ka gabii diha sa usa ka damgo, nakita ko ang usa ka hamtong nga babaye diha sa dalan ilawom sa yuta [subway] kinsa nanginahanglan og tabang human mahulog sa iyang lingkoranan. Wala madugay, samtang ang akong papa ug ako mibiyahe sa dalan ilawom sa yuta, nakita ko ang usa ka hamtong nga babaye nga nahulog sa iyang lingkoranan. Kini mao ang samang babaye gikan sa akong damgo! Sagrado kini nga kasinatian alang kanako nga makahimo sa pagtabang kaniya.

“Kanunay akong nag-ampo nga ang Dios mohatag kanako og usa ka tawo nga serbisyohan. Usa ka gabii diha sa usa ka damgo, nakita ko ang usa ka hamtong nga babaye diha sa dalan ilawom sa yuta.”

Ipakigbahin ang imong istorya ug pagbasa og mga istorya gikan sa ubang kabatan-onan diha sa @StrivetoBe sa Instagram.