“Nagkinahanglan ako og tambag kabahin sa pagplano og mga kalihokan sa mga kabatan-onan. “Unsa ang pipila ka maayo nga mga ideya,” Alang sa Kalig-on sa mga Kabatan-onan, Ene 2024.”
Mga Pangutana ug Mga Tubag
“Nagkinahanglan ako og tambag kabahin sa pagplano og mga kalihokan sa mga kabatan-onan. Unsa ang pipila ka maayo nga mga ideya?”
Pagpuli-puli ug Pag-uban nga Magplano
“Magpuli-puli kami matag semana sa pagplano og mga kalihokan. Kini nagkuha sa kaugtas kon usa ka tawo lamang, ug kami makakuha og lainlaing mga ideya. Ang pagbaton og kalihokan diin kamong tanan nag-uban sa pagplano makatabang usab. Gusto namong magdula, mangatawa og dungan, ug magbuhat og serbisyo.”
Adelynne S., 17, Utah, USA
Pagdala sa Uban ngadto sa Manluluwas
“Pangutan-a ang mga sakop sa inyong klase o korum kon unsa ang ilang kalingawan nga buhaton. Pagpili og kalihokan nga mas mopasuod sa mga kabatan-onan ug ngadto sa Manluluwas, ug pagkalingaw lamang nga mag-uban! Serbisyo nga mga kalihokan kanunay ang pipila sa akong mga paborito. Kanunay akong makahimo og bag-ong mga higala!”
Katie G., 18, Washington, USA
Sulayi ang Pagpaapil sa Tanan
“Mga kalihokan nga ang tanan makaapil makapabati sa uban nga mas giabiabi. Ang pagpangutana sa imong grupo kon unsa nga mga lingawlingaw o ubang mga butang nga sila malingaw makatabang og maayo.”
Lily D., 13, Arizona, USA
Tulo ka Pangutana
“Ang akong klase kasagaran nagplano og mga kalihokan nga pinasikad sa tulo ka mga pangutana: Unsa ang among gikinahanglan aron molambo? Kinsa ang among gikinahanglan nga mosuporta? Oras ba alang sa usa ka kalihokan nga naggamit og minos nga panahon ug kusog kay sa ubang mga kalihokan? Uban niini nga mga butang sulod sa hunahuna, pag-ampo, pamalandong, ug pagtinambagay. Makahimo kamo niini!”
Isabella R., 14, Oregon, USA
Espirituhanong Frame
“Nagkinahanglan ka og daghang magasin sa Simbahan aron makagunting ka og espirituhanong mga hulagway o mga mensahe nga nagdasig kanimo. Dayon ipahimutang kon unsay imong nagunting diha sa usa ka frame sa usa ka talagsaong pagkahan-ay. Makabutang ka niini sa usa ka dapit diin ikaw makatan-aw niini.”
Florence M., 14, British Columbia, Canada