Dali, Sunod Kanako

1 Nephi 3–4; 17–18

Paghatag og Direksiyon sa Bag-o

Ni Brynn Wengler

Mga Magasin sa Simbahan

Aniay usa ka makalingaw nga leksiyon nga naggamit og butang nga inyong ikatudlo sa inyong pamilya o klase atol sa Dali, Sunod, Kanako nga pagtuon niini nga bulan.

I-download ang PDF

Kon kamo mosulay og usa ka butang nga bag-o, tingali kamo mobati sama ni Nephi nga nangita sa mga palid nga tumbaga, “wala masayod sa sinugdanan sa mga butang nga [kamo] mobuhat” (1 Nephi 4:6). Apan hinumdomi, wala gayod kamo mag-inusara, ilabi na kon kamo nagbuhat og usa ka butang nga gisugo sa Dios.

Mga kagamitan

• Usa ka rektanggulo nga panid sa papel alang sa matag tawo (sumbanan nga igpiprinta nga papel nga tungaon og putol maayo kaayo!)

• Usa ka butang nga masulatan o madrowingan

1. Wala Masayod sa Sinugdanan

Hatagi ang matag tawo og usa ka piraso nga papel. Apan ayaw sultihi sila para unsa kana. Hinoon, sultihi mahitungod sa unsa ka sagad kita nagdawat og pagpadayag gikan sa Dios usa ka lakang matag higayon, sama ni Nephi nga nagkuha sa mga palid nga tumbaga (tan-awa sa 1 Nephi 3–4) o nagbuhat og usa ka barko (tan-awa sa 1 Nephi 17–18).

2. Lagda human sa usa ka Lagda

Karon moabot ang makalingaw nga bahin! Basaha kining mga panudlo og kusog tagsatagsa matag higayon sa pagtabang sa imong grupo sa pagpilo sa ilang kaugalingon nga misteryosong obra maestra. (Malisod kini kon walay mga hulagway! Kon nagkinahanglan sila og dugang nga tabang, palili-a sila og dali sa mga paghulagway usa ka lakang matag higayon.)

3. Pagpadayag: Giniyahan sa Espiritu

Ang inyong pamilya o klase kinahanglan karon nga aduna nay lig-on nga bag-ong pundok sa mga sakayan nga papel! Paggahin og pipila ka mga minutos sa pagsulti mahitungod sa mga higayon nga kamo nagkinahanglan sa tanan nga paggiya sa Dios “lagda human sa usa ka lagda.” Kamo makahimo gani sa pagsulat o sa pagdrowing diha sa inyong mga sakayan sa paghinumdom niadto nga mga panahon.

Karon kon ang kinabuhi mohatag kanimo og bag-ong mga kasinatian nga wala damha, ayaw kalimot sa pagpaningkamot og pagpadayag gikan sa Dios. Hinumdomi, Siya kanunay mag-andam og paagi alang kaninyo sa pagbuhat unsay Iyang gisugo (tan-awa sa 1 Nephi 3:7).

Mga panudlo

1. Guniti ang piraso sa papel nga ang mubo nga ngilit anaa sa ibabaw. Pil-a og katunga, ibabaw ngadto sa ubos.

2. Pil-a og katunga pag-usab gikan sa wala ngadto sa tuo, dayon bukhara ang luta nga mao pa lamang ninyong gihimo.

3. Nga ang pinilo nga ngilit anaa sa ibabaw, kuhaa ang duha ka ngilit sa ibabaw ug pil-a kini ubos ngadto sa luta diha sa tunga. Kinahanglan nga sama kini og triyanggulo nga adunay rektanggulo diha sa ubos.

4. Kuhaa ang gamay nga kapay nga papel diha sa ubos sa inyong triyanggulo ug pil-a ang ibabaw nga patong [layer] sa ibabaw. Baliha kini ug balika nga ang kapay anaa sa pikas bahin.

5. Bitara nga maabli ang ubos nga bahin nga aron ang hitsura mura og kalo.

6. Padayon sa pagbira hangtod ang duha ka tumoy mag-abot ug malapad ngadto sa usa ka diamond og porma.

7. Sa naabli nga tumoy sa ubos, pil-a ang unang patong kutob sa ibabaw sa diamond. Baliha ug balika sa pikas nga bahin. Kinahanglan nga masama kini sa usa ka triyanggulo.

8. Bitara nga maabli ang ilawom nga bahin ug palapda kini sama sa inyong gibuhat sa mga lakang 5 ug 6 ngadto sa usa ka porma og diamond.

9. Ang ibabaw sa inyong diamond kinahanglan nga adunay duha ka triyanggulo nga mga kapay diha sa wala ug sa tuo. Bitara kadto nga mga bahin pagawas ug palapda kini aron kamo adunay nabaligtad nga trapezoid. Dayon iduot pagawas ang mga kilid sa pagtabang niini nga motindog sa iyang kaugalingon.