“Buntoga ang Kalibotan ug Pangita og Kapahulayan,” Alang sa Kalig-on sa mga Kabatan-onan, Ene. 2024.
Mga Pulong nga Naggiya og Maayong Kinabuhi
Buntoga ang Kalibotan ug Pangita og Kapahulayan
Mga paghulagway ni Bryan Beach
Tungod kay si Jesukristo mibuntog niining napukan nga kalibotan, ug tungod kay Siya miula alang sa matag usa nato, kamo usab makabuntog niining puno sa sala, nakasentro sa kaugalingon, ug sa kasagaran makakapoy nga kalibotan.
Samtang kamo tinud-anay nga maghinulsol ug mangayo sa Iyang panabang, kamo makabuntog sa mga hagit sa walay kasigurohan nga kalibotan ug makakita og tinuod nga kapahulayan.
Unsa ang gipasabot sa pagbuntog sa kalibotan?
Kini nagpasabot sa:
-
Pagbuntog sa tintasyon sa mas labaw nga pag-atiman sa mga butang niini nga kalibotan kay sa mga butang sa Dios.
-
Pagsalig sa doktrina ni Kristo labaw kay sa mga pilosopiya sa mga tawo.
-
Pagkahimuot diha sa kamatuoran, pagsalikway sa panglimbong, ug mahimong “mapainubsanon nga mga sumusunod ni Kristo.”
-
Pagpili sa paglikay gikan sa bisan unsa nga makapabugaw sa Espiritu ug magmaandam nga “mobiya” bisan sa atong paborito nga mga sala.
-
Pagpalambo og paghigugma sa Dios ug sa Iyang Hinigugma nga Anak labaw kay sa inyong paghigugma ni bisan kinsa o bisan unsa.
Unsaon nato pagbuntog sa kalibotan?
-
Pagtinguha ug pagsunod sa mga pag-aghat sa Espiritu.
-
Paghinulsol sa matag adlaw ug paghupot sa mga pakigsaad nga nagtuga kanato og gahom.
-
Pagpabilin diha sa dalan sa pakigsaad.
Ang Manluluwas motabang nato sa pagbuntog sa mga tintasyon niini nga kalibotan pinaagi sa pagpanalangin nato og mas dako nga gugma nga putli, kamapainubsanon, kamanggihatagon, kamabination, disiplina sa kaugalingon, kalinaw, ug kapahulayan.
Tungod kay si Jesukristo mibuntog niini nga kalibotan, kamo usab makabuntog.