Spurningar og svör

„Ég þarf leiðsögn við skipulag ungmennaviðburða. Getið þið veitt góðar hugmyndir?“

„Leggið áherslu á þarfir námsbekkjar ykkar [eða sveit] og skipuleggið ólík þjónustuverkefni og viðburði til að sameina og styrkja bekkjarmeðlimi, byggja upp vitnisburði, blessa aðra og hafa gaman.“

„Hvað ætti ég að leggja áherslu á?,“ Köllun mín sem meðlimur bekkjarforsætisráðs Stúlknafélagsins, Gospel Library.

Skiptist á og skipuleggið í sameiningu

stúlka

„Við skiptumst á í hverri viku að skipuleggja viðburði. Þetta léttir álaginu frá því að vera bara ein persóna, og við fáum fjölbreyttar hugmyndir. Það er líka hjálplegt að hafa stund þar sem allir skipuleggja saman. Við höfum mjög gaman af því að spila leiki, hlægja saman og gera þjónustuverk.“

Adelynne S., 17 ára, Utah, Bandaríkjunum

Færa aðra til frelsarans

stúlka

„Spyrjið meðlimi bekkjar ykkar eða sveitar hvað þau hafa gaman af að gera. Veljið viðburði sem munu færa ungmennin nær hvert öðru og frelsaranum og njótið svo bara þess að vera saman! Þjónustuverkefni hafa alltaf verið sum af mínum uppáhalds. Ég eignast alltaf nýja vini!

Katie G., 18, Washington, Bandaríkjunum

Reyna að hafa alla með

stúlka

„Viðburðir þar sem allir geta tekið þátt geta hjálpað við að bjóða alla velkomna. Spyrjið hópa ykkar hvaða áhugamál eða aðra hluti þau hafa gaman af, það er mjög hjálplegt.“

Lilly D., 13 ára, Arisóna, Bandaríkjunum

Þrjár spurningar

stúlka

„Bekkurinn minn skipuleggur oft viðburði sem byggja á þremur spurningum: Hvað þurfum við að bæta? Hvern þurfum við að styðja? Er núna tími fyrir viðburð sem tekur minni tíma og orku en aðrir viðburðir? Með þessa hluti í huga, biðjið, hugleiðið og ráðgist saman. Þið getið þetta!“

Isabella R., 14 ára, Oregon, Bandaríkjunum

Andlegur rammi

stúlka

„Þið þurfið mörg kirkjutímarit svo að þið getið klippt úr andlegar myndir og boðskap sem veita ykkur innblástur. Setjið síðan úrklippurnar í ramma og raðið upp á frumlegan máta. Þið getið sett hann einhvers staðar til að horfa á.“

Florence M., 14 ára, Bresku Kólumbíu, Kanada

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Hvernig get ég vitað að það sem ég er að lesa í Mormónsbók sé sannleikur?“

Sendið svar ykkar og mynd fyrir 15. febrúar 2024.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work“. Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit]“. Smellið á „Add File [Bæta við skjali]“ til að velja skrá og mynd og smellið svo á „Submit [Senda]“ til þess að hlaða þeim upp og senda okkur.

Svartexti kann að verða styttur eða lagaður til.