ʻEniselā A.

16, ʻAlapeta, Kānata

ʻOku ou nofo ʻi Kānata (konga makehé: ʻoku ʻikai ke mau nofo ʻi he fanga kiʻi fale ʻaisi fuopotopotó (igloos) pe heka ʻi heʻemau fanga tiá ki he akó). Kuo ʻomi ʻe heʻeku hoko ko ha mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ha fiefia lahi kiate au. Ka ʻoku ʻi ai foki mo ha ngaahi ʻaho ʻo e mamahí mo e fakafepakí. Naʻá ku tupu hake ʻi ha feituʻu naʻe ʻikai ke ʻi ai haʻaku kāinga ofi, ka naʻe foaki mai ʻe he Tamai Hēvaní kiate au ʻa hoku fāmili fakauōtí mo tokoni ke u fakatupulaki ha feohi fakakaungāmeʻa taʻengata mo e toʻu tupu ʻi hoku siteikí. Neongo pe ko e fē ʻa e feituʻu ʻokú ke ʻi aí, ʻoku ʻi ai hoʻo fāmili ʻi he taimi ʻokú ke maʻu ai ʻa e ongoongoleleí.

Naʻá ku ʻi he tuʻunga fakamamahi tahá ʻi he ofi e taimi ke fai ai ʻeku ʻapoinimeni tāpuaki fakapēteliaké. Naʻe ʻai au ʻe he filí ke u fakakaukau naʻe ʻikai totonu ke u maʻu hoku tāpuakí. Naʻá ku fanongo leva ki he kihiʻi leʻo siʻi mo vanavanaikí ʻokú ne ueʻi au ke u fetuʻutaki telefoni ki he ongo faifekau sisitaá. ʻI he haʻu ʻa e ongo sisitaá, naʻá ku ongoʻi mālohi mo mahino ʻa e ʻofa ʻa e Fakamoʻuí kiate aú.

Neongo he ʻikai ke tau lava ʻo ofi fakatuʻasino ki hotau Fakamoʻuí, ka ʻoku fuʻu mahuʻinga ke tau ʻunuʻunu maʻu pē ke ofi ange kiate Ia. ʻOku fakamālohia au ʻe hoku tāpuaki fakapēteliaké mo fakamanatu mai ko ha ʻofefine fakalangi au ʻo e ʻOtuá.