“Fiemaʻu ha Kau Faʻa Fakalelei,” Ki Hono Fakamālohia ʻo e Toʻu Tupú, Fēpueli 2024.
Ngaahi Lea ke Moʻui ʻAkí
Fiemaʻu ha Kau Faʻa Fakalelei
Toʻo mei ha lea ʻi he konifelenisi lahi ʻo ʻEpeleli 2023.
ʻI he ngaahi tūkunga ʻoku faingataʻa ʻaupito mo fonu ʻi he fakakikihí, ʻoku ou fakaafeʻi koe ke ke manatuʻi ʻa Sīsū Kalaisi. Lotua ha loto-toʻa mo ha poto ke lea ʻaki pe fai ʻa e meʻa naʻá Ne mei faí. ʻI heʻetau muimui ki he ʻEiki ʻo e Melinó, te tau hoko ko ʻEne kau faʻa fakalelei.
Ko ha Konga ʻo e ʻOfa Faka-Kalaisí
Ko e ʻofa faka-Kalaisí ʻa e faitoʻo ki he fakakikihí. ʻOkú ne fakamatalaʻi ha tokotaha faʻa fakalelei.
ʻE lava fēfē ke tokoniʻi kitautolu ʻe he ʻOtuá ke maʻu ʻa e ʻofa faka-Kalaisí?
-
Loto-fakatōkilalo ʻi he ʻao ʻo e ʻOtuá
-
+
-
Lotu ʻaki ʻa e ivi kotoa ho lotó
-
=
-
ʻE ʻaloʻofa mai ʻa e ʻOtuá kiate kitautolu.
Fehuʻi Pē Kiate Koe:
ʻOkú ke lea fēfē ki he niʻihi kehé pea fekauʻaki mo e niʻihi kehé …
-
ʻI ʻapí?
-
ʻI he lotú?
-
ʻI he ngāué?
-
ʻI he ʻinitanetí?
ʻOku mahuʻinga moʻoni ʻa e founga ʻetau fetauhiʻakí! ʻOkú ke lea ʻaki nai ha ngaahi meʻa ʻoku “māʻoniʻoni, fakaʻofoʻofa, pe ongoongo lelei pe feʻunga mo hono vīkivikiʻí” (Ngaahi Tefito ʻo e Tuí 1:13)?
Ngaahi Fili ke Faí
Ko e fakakikihí ko ha fili. Ko e faʻa fakaleleí ko ha fili. Fili ke hoko ko ha tokotaha faʻa fakalelei ʻi he taimí ni pea maʻu ai pē!
-
Fakamaauʻi ʻa e niʻihi kehé?
-
Fakahaaʻi ʻa e ʻofa faka-Kalaisí ʻi hoʻo leá mo e tōʻongá.
-
Hiki ha tali ʻita ʻi he ʻinitanetí?
-
Langa ha hala fakakavakava ʻo e mahinó.
ʻIloʻi ha Taha ʻOku Fiemaʻu ke Fanongo ki he Meʻá Ni?
Sai. Kae ʻoua naʻa ngalo ko ha faleʻi lelei foki ia maʻau! Vakavakaiʻi ho lotó ke vakai pe ʻoku ʻi ai ha toetoenga hīkisia pe meheka ai ʻokú ne taʻofi koe mei he hoko ko ha taha faʻa fakaleleí.