“Ineek Men Otemjej,” N̄an Kōkajoorļo̧k Jodikdik Ro, Juļae 2024.
Ineek Men Otemjej
Apan̄ ej m̧ōttan wōt karōk eo an Jemedwōj Ilan̄. Ak ta eo kwoj kōm̧m̧ane n̄e ej waļo̧k waj n̄an eok jān jikin eo kwojaje ia?
Kōmeļeļe ko jān Paulina Wyrt
Elōn̄ļo̧k katten ilo jibbon̄en eo, in kar lukkuun mej. N̄an lale aolepen bōtōktōk—ko aō— babu ilo iaļ eo im lo an bear eo kajju tok n̄an eō jān aolep jikin jen n̄iin im pein anm̧oonū im ejjeļo̧k kōtmāne.
Juon Jibbon̄ Em̧m̧an
Ej juon oktak em̧m̧an ruo awa m̧oktaļo̧k. Iaar ettōr ilo iaļ eo ilo juon iaan raan ko rem̧m̧an ilo jōm̧ar ilo jikin eo ilo western Wyoming, USA. Kōļar in lan̄ ekar būļu, wōt ko raar pinej iaļ ko ilo to̧l eo, im mejatoto in jibbon̄en eo eaar lukkuun em̧m̧an. Eaar juon raan em̧m̧an n̄an ettōr 15 m̧aiļ (24 km) ioon to̧l ko.
Ekar juon ettōr bajjōk. Iaar kajjieon̄ in kōkajoorļo̧k eō im niknik n̄an juon ettōr Rūttōr ro rej kōļapļo̧k aer kajoor ilo aer kōm̧m̧ani ettōr ko rekaddu. Menin ebōktok niknik, eo ekōm̧m̧an bwe ren dim.
Men eo ijeļā wōt bwe iaar aikuj in jab dim bwe kajoor eo aō enaaj n̄an ettōr kōn mour eo aō.
Juon Attack Ejidimkij
Relikļo̧k, iaar lo kōkaļļe ko. Ālkin aolep men otemjeļo̧k, Irooj eaar jiron̄ kōj bwe E enaaj “kwaļo̧k n̄an [kōj] men ko renaaj itok” kōn kajoor eo an Jetōb Kwojarjar (Jon 16:13). Āinwōt an Elder Gary E. Stevenson jen Doulul eo an Jon̄oulruo Rijilōk ro kar kwaļo̧k, “Jetōb Kwojarjar eo emaron̄ jipan̄ eok kōn kakkōļ eok m̧oktaļo̧k kōn kauwōtata ko an kanniōk im jetōb.” Im ekar kōm̧m̧ane.
Jejjo̧ minit bwe in ettōr, iaar reilaļļo̧k im lo jet men. Iaar mijak ke ij lo jenkwan neen juon bear ilo iaļ eo aō ļo̧k. Ekar juon kakkōl eo ealikkar. Ekabwebwe, iaar kile bwe bear eo eaar itok ilo iaļ eo aō tok ak kiiō enaaj em̧m̧an. Ejjeļo̧k menin inepata, ejim̧we ke? Innām iaar ettōr wōt.
Juon awa tokālik, iaar ettōr ilo iaļ aedik ko raiboojoj ilo to̧l eo. Ke ij tōparļo̧k laļin to̧l eo, iaar ron̄ jet ainikien, lukkuun ļap, me ekar kōm̧m̧an menin aō lukkuun mijak. Iaar bōjrak dikdik im reito-reitak. Iaar lukkuun mijak. Iaar kile, bwe ekar ainikien wōjke ko, ilo aer itaak ippān doon. Innām ilukkuun in ban meļo̧kļo̧k—juon bear ej jibadōk tok eō!
Attack eo ekamijak emaron̄ kar bōk mour eo aō. Ekar juon bear enana, eo me ikar ilbōk ke ij bōjrak im loe ke iaļen mej. Ak ilo tōre eo ke ij ļōmņak ke lukkuun mej menin iaar jar kōn mour eo aō. Lan̄ eaar jojomar kōn eō.
Ilo m̧ool, bear eo eaar bōjrak an kiji eō im eaar ko ļo̧k n̄an buļōn wōjke ko. En̄in nuuj eo emman! Nuuj eo enana in bwe ekar wōr 16 kinej ko reļļap jān n̄iin im pein bear eo im ikar make wōt ilo wōjke ko, obrak kōn bōtōktōk, im 11 m̧aiļ (18 km) jān iaļ eo, ilo an ejjeļo̧k iaļan jipan̄.
Juon Iien n̄an Kāālet.
Iaar lo ippa make n̄an kōm̧m̧an kāālet ilo mour eo aō. Eļan̄n̄e ejjan̄in ioon menin, kwonaaj. Apan̄ ej m̧ōttan wōt karōk eo an Jemedwōj Ilan̄. Ilo m̧ool, attack jān juon bear ejjab—aaet n̄an jejjo wōt iaad! Ak ilo bar jet wāween, kwomaron̄ en̄jake eddodo kōn men ko kwoj iooni. Ekar ejjeļo̧k kōjatdikdik ilo an kar Irooj kōmeļeļeiki āinwōt “atlaļ ko in hel” me “rej kanooj eļļan̄ ilokam̧” (Katak im Bujen Ko 122:7).
Ilo an men kein ļapļo̧k ilo mour eo am̧, ewōr am̧ kāālet n̄an kōm̧m̧ani. Kwomaron̄ ebbweer, babu ļo̧k, im mej, ak ilo jet wāween kwomaron̄ bōk am̧ peran im kajoor n̄an kakkōt, lōke n̄an kōm̧m̧ane ijo kuņaam̧, Irooj enaaj kōm̧m̧an Ijo kuņaan. Irooj eaar kōmeļeļeik jibadbad eo an mour in n̄an Josep Smith ke eaar kalbuuj ilo Liberty Jail: “aolep men kein otemjeļo̧k renaaj lewōj n̄an eok imminene, im naaj n̄an em̧m̧anļo̧k eo am̧” (Katak im Bujen Ko 122:7).
Im rej kōjeraam̧m̧an eok. Rej kōm̧m̧an im kōkm̧anm̧anļo̧k eok ilo am̧ kajoorļo̧k im dim. En̄in unin an Irooj kar jiron̄ Josep—im jiron̄ eok—n̄an “pād wōt ilo iaļ eo am̧” n̄an jum̧ae apan̄ ko im kapo ko (Katak im Bujen Ko 122:9). Ilo am̧ pād wōt ilo mour in—men̄e jen addi in peim̧—kwonaaj lo eļapļo̧k kajoor me rekkar jen Irooj. Āinwōt kar kallim̧ur, E eo “ekajoor n̄an lo̧mo̧o̧ren” (2 Nipai 31:19).
Dāpdāp Wōt
Ekwe, en̄in jejjōt in ta eo ekar waļo̧k n̄an eō. Ijelo̧kin ebweer, iaar kāālet n̄an jutak. Iaar kāālet n̄an mour, eo iaar lukkuun aikuji n̄an pukot jipan̄. Wōtļo̧k laļļo̧k ilo iaļ eo aō enan̄in juon m̧aiļ ettoļo̧k, iaar lo armej ro juon m̧aiļ ettoļo̧k ilo raan eo jen iaļ eo ilo bwiļōn wōjke ko. Kweilo̧k eo ekar bōk jikin ekar kōm̧m̧an bwe en itok helicopter in lo̧mo̧o̧r eo, jilu m̧wijm̧wij ko n̄an lo̧mo̧o̧ren mour, im juon meļeļe eo ealikkar kōn kōjeraam̧m̧an eo kar kāālete n̄an “pād wōt ilo iaļ eo.”
Elder Dunn eaar elo jipan̄, kar lo̧mo̧o̧ren, im kar wōr jilu iien m̧wijm̧wij.
En̄jake in ekar kōļapļo̧k aō kajoor, kijejeto, im tōmak. Ekar bar kōkajoor im kepooj eō n̄an mijaļ apan̄ ko jet an mour. Ij lukkuun jeļā bwe ilo am̧ “[kijenmej] ilo men otemjej, [tōmak] men otemjej, [kōjatdikdik] e kōn men otemjej, [niknik] ilo men otemjej” (1 Korint 13:7), kwonaaj dim n̄an kōkajoorļo̧k eok n̄an dipuk apan̄ ko. Kwonaaj lo an pein Irooj kōm̧m̧an bwe kwon juon wōt kōn ta eo waļo̧k im̧aan am̧ iaļ—men̄e enaaj lukkuun “atlaļ ko in hell.”