“Ta eo eļan̄n̄e ijjab maron̄ ba ijeļā gospel in ej m̧ool?,” N̄an Kōkajoorļo̧k Jodikdik Ro, Juļae 2024.
Kajju n̄an Meļeļe eo
Ta eo eļan̄n̄e ijjab ba Ijeļā gospel in m̧ool?
Eļan̄n̄e kwojjab en̄jake ke komaron̄ ba, “Ijeļā,” ej em̧m̧an wōt. Jino kōn ta eo kwoj tōmake. Im eļan̄n̄e kwoj jab jeļā kake men eo, jino kōn ta eo kwoj kōņaan tōmake. Innām “kōtļo̧k bwe kōņaan in en jerbal ilo kom̧” (Alma 32:27) im tōl eok n̄an m̧akūtkūt—n̄an jar, katak, ukweļo̧k, jerbal. Ilo am̧ kōjerbal tōmak, leļo̧k am̧ n̄an ļōmņak ko am̧ im en̄jake. Elōn̄ iien, kwomaron̄ peran im ba, “Ij tōmak.”
“Tōmak ej juon naan em̧m̧an, im aaet juon m̧akūtkūt em̧m̧anļo̧k, im [kwe] kwojjab aikuj in joļo̧ bōd kōn ‘tōmak wōt.’”
Kautiej m̧ool ko an gospel eo kwoj tōmaki. Jerbali. M̧ool n̄ani. Ilo am̧ kōm̧m̧an āindein, kwonaaj jeraam̧m̧an kōn Jetōb Kwojarjar. Im kwomaron̄ en̄jake ilo m̧weo im̧ōm̧ ilo Kabun̄ in jekdo̧o̧n kain rot naan in kam̧ool eo am̧. Āinwōt an Būreejtōn Dieter F. Uchtdorf, kar–Rikakpilōklōk eo Kein Karuo ilo Būreejtōnji eo Kein Kajuon, ekar ba, “Ijeļā bwe ejjeļo̧k kōkkaļļe ioon kōjem̧ eo an m̧ōnjar ko ad me ej ba, ‘Naan in kam̧ool eo am̧ ej aikuj in aitok n̄an am̧ deļo̧n̄.’”