Ainikien Jodikdik ro

Teej ko Rekkaddu im Jar

Tayana C., 17 iiō, Abidjan, Côte d’Ivoire

Pija ko jān Ebick Ngoma

Jidik iien em̧ootļo̧k, ikar inepata kōnke ekkar jab em̧m̧an grade ko aō ikar kōņaan. Ikar ļōmņak kake im kar kile bwe ikar jab jar ak riiti jeje ko aō rekwojarjar. Innām ikar pepe bwe in riiti jeje ko aō rekwojarjar im jar aolep jibbon̄. Jidik iien tokālik, grade ko aō rekar jino in wanlōn̄ļo̧k jidik kōn jidik. Riiti jeje ko rekwojarjar im jar rekar lukkuun jipan̄ eō.

Bar juon iien, kōm̧ ar bōk juon teej jidikdik ilo jikuuļ. Ikar jab ekkatak. Ejjeļo̧k juon ekar ekkatak—rūkaki eo ekar karuj kōm̧ Aolep rekar jino ko̧o̧t ilo teej jidikdik eo. Ijjab riab—Ikar kōņaan ko̧o̧t. Ak juon men ekar jiron̄ eō, “Kwoj aikuj jijet wōt im kōm̧m̧ane jon̄an wōt am̧ maron̄ ta eo kwojeļā.” Ekar juon ainikien emera. Ekar obrak kōļmenļo̧kjeņ eo aō, im ainikien eo ekar kōmeraikļo̧k būruwō. Innām ikar jab reilo̧k n̄an tuanmiin̄, ak ikar jab reilo̧k n̄an tuanmo̧o̧ņ. Ikar uwaaki kajjitōk ko ikar jeļā. Ilo jem̧ļo̧kin n̄a wōt eo ekar uteij score eo an. Ij m̧ōņōņō bwe ikar ron̄jake Jetōb Kwojajar.