“Ejjeļo̧k ilo jikin jikuuļ rej mour kōn jon̄o̧k ko aō. Ewi wāween aō kōm̧m̧an m̧ōtta ijeņ?,” N̄an Kōkajoorļo̧k Jodikdik Ro, Juļae 2024.
Kajjitōk Ko im Uwaak Ko
“Ejjeļo̧k ilo jikin jikuuļ rej mour kōn jon̄o̧k ko aō. Ekōjkan aō kappok m̧ōtta ijeņ?”
“Kōnono kōn ikdeleel ko am̧ kwaļo̧ki ippān ro jet. Kwojjab aikuj im kadikļo̧k kajoor in meram eo am̧. Kwoj aikuj erom̧ juon baj jodikdik eo ej kajjieon̄ kōm̧m̧ane men ko rekōm̧ōņōņō jodikdik ro jet rej lan̄lōn̄ kaki. Ļoore jon̄o̧k ko an Jisōs Kraist, im kalikkar n̄an rijikuuļ ro ilo kūlaaj eo am̧ jon̄o̧k ko me kwoj ļoori.”
Jamie Ann B., 18, Negros Occidental, Philippines
“Pukot armej ro ejja kūlaaj kein wōt, ikdeleel, tōļan, ak kōņaan ko. Ewōr armej ro rem̧m̧an jān tōmak ko jet, barāinwōt armej ro rem̧m̧an ro ejjeļo̧k aer tōmak n̄an jidik. Ej lōñ wōt ro rejitōn bōro nejin Anij. Ilo am̧ wōnm̧aanļo̧k wōt kōjparok jon̄o̧k eo am̧, men̄e ro m̧ōttam̧ rejjab, waanjon̄ak eo am̧ emaron̄ kōperan ro jet n̄an kōm̧anm̧an kālet ko.”
Lucy B., 15, Lima, Peru
“Kwon kijenmej im peļo̧k n̄an jabdewōt meļeļe. Jemjerā ej men ko bwinjān, jab oran, im n̄e ewōr ro m̧ōttad rem̧ool emaron̄ ļapļo̧k jineekjej jān kajjieon̄ in karōk eok ilubwilijin jarlepju eo me rejjab juon wōt ippān aorōk ko am̧.”
Adedoyin Alma O., 17, Osun, Nigeria
“Kwaļo̧ke jon̄o̧k ko am̧ ippāer. Eļan̄n̄e er rej jeļā ta jon̄o̧k ko am̧, renaaj maron̄ kautieji. Komaron̄ barāinwōt karuwaineneik ro m̧ōttam̧ ilo jikuuļ n̄an jar im ak m̧akūtkūt ko an Kabun̄ in n̄an jipan̄ er loe eļapļo̧k kōn ta ko kwoj tōmaki.”
Margarett P., 13, Texas, USA
“Ikar ekkatak bwe komaron̄ loe ro m̧ōttam̧ rem̧m̧an jān im̧we ko an jetōb im kwon baj erom̧ āinwōt kwe. Jet armej renaaj itok n̄an eok, im jet iien kwoj aikuj kappok, ak enaaj wōr armej ro renaaj erom̧ ro m̧ōttam̧ rem̧m̧an ak aikuj juon m̧ōttā āinwōt kwe.”
Katie R., 18, Nebraska, USA