“En̄jake Eo Aō Ekar Kōppeļļo̧k Būruwō,” N̄an Kōkajoorļo̧k Jodikdik Ro, Juļae 2024.
En̄jake Eo Aō Ekar Kōppeļļo̧k Būruwō
Kōmeļeļe ko jān Adam Nickle
Ij juon eo eitok limoin ilo ikkure, eļaptata basketball. Ebaj em̧m̧an wōt ippa jieae. Im en̄ņe ej m̧ōttan eo unin aō aikuj in pād ilo juon iien m̧wijm̧wij menono ke ej 14 aō iiō.
Ikar ļotak tok kōn juon men enana ilo juon iaan eke ko ilo menono eo aō. Jinoin, taktō ro aō rekar ba bwe inaaj bōlen aikuj in m̧wijm̧wij n̄e inaaj rūtto—bōlen n̄e inaaj retire jān jerbal. Ak ium̧win elōn̄ iien, jorrāān eo ekar nanaļo̧k, eļapļo̧k kōnke jon̄an emakijkin aō ikkure.
Ilo juon iien aō loļo̧k taktō ilo fall eo, taktō eo aō ekar ba bōlen m̧wijm̧wij eo enaaj aikuj bōk jikin juon iiō ak ruo iiō tokālkin. Ilo tōre in, ij rittōr n̄an jikuuļ eo. Ak ijjelo̧kin an iien ettōr ko aō em̧m̧an ļo̧k, rekar nanaļo̧k. En̄in ekar unin aō jeļā bwe ewōr juon men elukkuun nana.
Kōm̧ kar bar loļo̧k taktō eo ilo M̧aaj. Ilo loļo̧k eo am̧, ikar en̄jake ke ij aikuj in m̧wijm̧wij ejjab etto jān kar iien eo kōm̧ kar karōke. Ikar jino bōk juon en̄jake in jetōb ilo n̄a. Revelesōn in aō make ekar bōktok jet kainōm̧m̧an ko. Innām ikar ron̄ aō make ba bwe ikōņaan m̧wijm̧wij iien eo em̧ōkajtata. Ro jinō im jema rekar jidik mijak jinoin, ak ikar jiron̄ļo̧k er, “Ij pād ilo aenōm̧m̧an. Ewi jon̄an an epaak ad maron̄ nej kōm̧m̧ane menin?” Kōm̧ kar jikejuuļi m̧wijm̧wij eo n̄an Eprōļ.
Ilo iien ko reppen, ijeļā Jisōs Kraist ej aolep iien pād ijeņ n̄an n̄a. Imaron̄ aolep iien jar n̄an Jemedwōj Ilan̄, im ejipan̄.
Ekar wōr aō tōmak bwe men otemjej renaaj tōprak, ak raan in m̧wijm̧wij eo ekar kaam̧jak. Ekar kōmetak eō juon kōttan, deļo̧n̄eļo̧k ilowaan ruum̧ eo. Ij keememej aō wididdid. Taktō in anesthesiologist eo aō ekar lukkuun jipan̄ eō iien eo. Ij kam̧m̧oolol aolep armej ro rekar jipan̄ eō jelm̧ae aolep en̄jake in. Ikar bar bōk jipan̄ jān lan̄. N̄an waanjon̄ak, aolepān ward eo aō rekar kōm̧m̧ane juon iien jitlo̧k kōn n̄a, im ikar lukkuun en̄jake kajoor in jitlo̧k im jar.
Pija in baam̧le eo an Thomas
Raan kein menono eo aō ekar em̧m̧an an pād. Eļan̄n̄e iban kar m̧wijm̧wij, imaron̄ kar mej ilowaan wōt ruo iiō ko. Kiiō imaron̄ kōtmene kōn mour eo aō.
Aolepān en̄jake in ekar ukōte jibadbad eo aō. Ij lo aolep oktak ilo aer jelm̧ae mālijjon̄ ko. Ij en̄jake eļapļo̧k iakwe kōn er. Jet iien ij loe juon armej im kile bwe rej jelm̧ae juon men epen, nnām ij jibadōkļo̧k er im jipan̄ er.
N̄an n̄a, n̄an erom̧ juon rikaļoor an Jisōs Kraist lukkuun meļeļein n̄an erom̧ juon waanjon̄ak n̄an ro jet im kōm̧m̧an n̄an aolep āinwōt Enaaj kar. Jej aolep ippān doon ilo menin. Anij ej Jemed, im jej ļaddik im leddik ro Nejin. Aolep ewōr aer jibadbad im aorōk. Ebooļ men ko rejjab em̧m̧an, innām ij kajjieon̄ jipan̄ armej ettōn̄ im n̄an en̄jake inem̧m̧an.
Ij kam̧ool bwe aolep raan imaron̄ bōk tōl an juon make jān Irooj. E emaron̄ kōm̧m̧an bwe in kajoorļo̧k āinwōt juon armej im eletok n̄an eō kijenmej. Imaron̄ kōm̧m̧an men otemjej ilo Kraist (lale Pilipai 4:13).