“Naan ko n̄an Mour Jāni,” N̄an Kōkajoorļo̧k Jodikdik Ro, Juļae 2024.
Naan ko n̄an Mour Jāni
Kōjeraam̧m̧an in Petriak eo am̧
Kobaiktok jān kōnono ko jān Eprōļ kweilo̧k eo eļap jān Elder Kazuhiko Yamashita im Elder Randall K. Bennett jān Jiljilimjuonn̄oul eo.
Kōmeļeļe ko jān Guev
-
Ekitbuuj kapilōk an kajjojo armej jān Irooj n̄an kwe.
-
Ej kwaļo̧k bwij eo am̧ ilo m̧weo im̧ōn Israel.
-
Ej jeje ko rekwojarjar am̧ make.
-
Ej kwojarjar im ittiņo.
-
Ejjab māāp e waj mour eo am̧.
-
Ejjab uwaake aolep kajjitōk ko am̧.
Eļan̄n̄e ejjab ba juon iien aorōk ilo mour eo am̧, jab watōke meļeļe in ejjeļo̧k am̧ iien em̧m̧an. Kōjeraam̧m̧an eo an petriak ej n̄an indeeo, im eļan̄n̄e kwoj mour erreo, kallim̧ur ko me rejjab kūrm̧ool ilo mour in renaaj liwaj ilo mour eo tok juon.
Ewi Jon̄an Rūtto eo Am̧ Kwoj Aikuj Erom̧?
-
Rūtto ilo kōlmenļo̧kjeņ eo ebwe n̄an meļeļe aorōk in im kwojarjar eo an kōjeraam̧m̧an in im meļeļe katak ko an gospel in.
-
Kōttōbar eo en em̧m̧an dettam̧ bwe elōn̄ jokālet ko raorōk ilo mour repād im̧aan.