«Ի՞նչ անել, եթե ես չեմ կարողանում ասել՝ գիտեմ, որ ավետարանը ճշմարիտ է», Երիտասարդներին զորացնելու համար, հուլիս 2024։
Նշանակետին
Ի՞նչ անել, եթե ես չեմ կարողանում ասել՝ գիտեմ, որ ավետարանը ճշմարիտ է
Եթե զգում եք, որ չեք կարողանում ասել՝ «Ես գիտեմ», նորմալ է: Սկսեք նրանից, ինչին հավատում եք: Եվ եթե դրանում վստահ չեք, սկսեք նրանից, ինչին ցանկանում եք հավատալ: Ապա «թույլ տվեք, որ այդ ցանկությունը գործի ձեր մեջ» (Ալմա 32.27) և առաջնորդի ձեզ գործելու՝ աղոթելու, ուսումնասիրելու, ապաշխարելու, ծառայելու: Հավատք գործադրելիս ուշադրություն դարձրեք ձեր մտքերին և զգացմունքներին: Ժամանակի ընթացքում դուք կարող եք վստահորեն ասել՝ «Ես հավատում եմ»։
«Հավատալ բառը թանկարժեք բառ է, նույնիսկ ավելի թանկարժեք մի գործողություն, և [դուք] երբեք չպետք է ներողություն խնդրեք «միայն հավատալու» համար»:
Գնահատեք ավետարանի ճշմարտությունները, որոնց հավատում եք: Գործեք ըստ այդ ճշմարտությունների։ Հավատարիմ եղեք դրանց: Երբ դուք այդպես վարվեք, դուք կօրհնվեք Սուրբ Հոգով: Եվ Եկեղեցում ձեզ կարող եք զգալ՝ ինչպես տանը, անկախ նրանից, թե ինչպիսի վկայություն ունեք: Առաջին Նախագահության նախկին երկրորդ խորհրդական, նախագահ Դիտեր Ֆ. Ուխդորֆը ասել է. «Մեր հավաքատների վրա ես չեմ տեսել, որ գրված լինի. «Ձեր վկայությունը պետք է լինի բավականաչափ ամուր, որպեսզի կարողանաք ներս մտնել»: