Bosolo ya Polele mpe ya Motuya
Mpaka Gary E. Stevenson
Ya Lisanga Likoki ya Bapostolo Zomi na Mibale
Tata ya Lola mpo na kozala na bomoi na ntango ya mpasi ezali ete tozali lisusu na bomoi na ntango ya litondi.
Bandeko balingami mibali mpe basi, eleki mibu mingi uta likita linene esangani ete Mokambi Boyd K. Packer, mpe Mpaka L. Tom Perry mpe Richard G. Scott bafandaki pembeni na nsima ya liboso mpe kolobaka na moko ya mayangani wana. Makanisi na biso na ntina na bango ezali makasi, mpe nabakisi botondi na ngai mpo na kopesa bango lokumu, moko na moko na bokeseni mpenza atako bakokani mpenza na bozeneneke mpe litatoli na bango ya Yesu Klisto mpe Bomikabi na Ye.
Na kobakisa, Ngai, lokola bino, nazwi bokasi na kati na yango mpe nasungi Mokambi Thomas S. Monson lokola profeta, momoni, mpe mobimisi, mpe nakamwi botongono mpe mokumba ya mosala ya apostolo na ye kokatisaka mibu 50 ya kitoko.
Mpe ezalaki boye na mokolo ya mibale na ntongo mposo oyo, kaka nsima ya 9:00 na ntongo ntango nazalaki kobanda liyangani elongo na Bakambi ya Etuka Enene ya Asie, oyo bazali awa na likita, nde nabengisamaki mpo na kokutana na Mokambi Monson, elongo na bapesi toli na ye. Ngonga moke nsima, nakotaki na ndako ya Makita oyo etalaki bilo na ye, nasengelaki kozala ya bobangi kofandaka liboso ya mesa, ntango alobaki na ngai na boboto mpo na kokitisa motema na ngai. Alobaki, kolobelaka mibu na ngai, ete nazalaki komonana lokola elenge mpenza mpe kutu elenge koleka mibu na ngai.
Nsima, na ntaka ya mwa bangonga, Mokambi Monson alimbolaki ete kosalaka na bolingi ya Nkolo, ezalaki kosembolama libiangi na Lisanga Likoki ya Bapostolo Zomi na Mibale epai na ngai. Atunaki ngai soki nakondima libiangi oyo, na yango, nsima ya maye nandimi ezalaki mpema moko makasi elongobana te mpenza, kati na kozoka motema mobimba, nandimaka. Mpe nsima, liboso nakokaki kutu kotia na maloba tsunami ya liyoki ezanga bolimboli, nionso na yango ezalaki mayoki ya kozanga makoki, Mokambi Monson na boboto asembolaki loboko epai na ngai, kolimbolaka lolenge abiangamaki mibu mingi eleki lokola Apostolo na Mokambi David O. McKay, na ngonga oyo ye mpe ayomiyokaki ya kozanga makoki. Ateyaki ngai na kimia, “Episikopo Stevenson, Nkolo akolongobanisa baoyo Ye abiangaka.” Maloba ya boboto oyo ya profeta ezali liziba ya kimia, bokitisi kati na mvula makasi ya bomimeki mpe mayoki ya boboto kati na bangonga ya mpasi kolandaka oyo eleki mikolo mpe babutu uta ntando wana.
Nazongelaki lisusu maye nawuti kolimbola epai na bino epai ya moninga ya motema na ngai, Lesa, nsima mokolo wana, ya kofanda na esika ya kimia na Temple Square, kotalaka na kimia tempelo mpe Tabelenakele eyebana kotelemaka liboso na biso. Wana ezalaki biso komeka kososola mpe kotala makambo ya mokolo yango, tomonaki longo na biso kozala bondimi na biso na Yesu Klisto mpe boyebi na biso ya mwango monene ya esengo. Oyo etindi ngai naloba maloba ya bolingo ya mozindo mpo na Lesa. Azali moyi kati na mpe ya bomoi na ngai mpe mwana mwasi ya Nzambe ya kitoko. Ya ye ezali bomoi etondi na mosala ya mosala ezangi boyimi mpe bolingo ezangi masengisi ya nionso. Nakobunda kotikala ya kolongobana mpo na lipamboli ya lisanga na biso ya seko.
Nalobi bolingo na ngai ya mozindo epai ya bana na biso mpe mabota na bango, misato kati na bango bazali awa elongo na basi na bango ya kitoko, bamama ya bankoko na biso motoba; ya minei, misionele, azali na ndingisa ya kafukafu mpo na kotikala kobuka ekila ya kobima na butu ya bamisionele mpe azali kotala milulu oyo na direki elongo na mokambi ya misio na ye mpe mwasi mpe mokambi ya misio uta na ndako na bango ya misio na Taiwan. Nalingaka moko na moko na bango mpe nalingaka Mobikisi mpe nsango malamu.
Nalobi bolingo na ngai na moto moko na moko ya libota na ngai: Na mama na ngai molingami mpe na tata na ngai, oyo akufaki mobu eleki, oyo akotisaki kati na ngai litatoli oyo emonanaki lokola kofanda kati na ngai uta na makundoli na ngai ya ebandeli. Nasemboli mosika botondi oyo na ndeko na ngai ya mobali, bandeko na ngai ya basi, mpe balongani na bango ya botongono, lokola mpe na libota ya Lesa, mingi kati na bango bazali awa lelo. Nabwaki moniama ya botondi oyo epai ya baye ya libota monene, baninga, bamisionele, bakambi, mpe bateyi mingi nakutani na bango na bomoi.
Napambolami na kosalaka pembeni elongo na Bakambi ya Yambo, Baszomi na Mibale, Bantuku Sambo, mpe bakambi minene ya masanga malandi. Nalobi bolingo mpe limemia na ngai epai ya moko na moko na bino bandeko basi mpe mibali mpe na kobunda kozala ya kolongobana mpo na bokobi lisanga na biso ya ntango nionso. Baepisikopo Bakambi bazali na lisanga moko pene ya lola. Nakozanga lisanga na ngai mokolo na mokolo elongo na Episikopo Gérald Caussé, Episikopo Dean M. Davies mpe bailisanga mosusu.
Natelemi liboso na bino lokola maloba ya solo ya Nkolo ekomama na eteni ya yambo ya Doctrine et Alliances: “Ete litondi ya nsango malamu [yango] ekoka kosakolama na nzela babotau mpe ya bamikitisi tii na bansuka ya mabele, mpe liboso ya bakonzi mpe bakambi.”1 Maloba oyo ememami liboso na esakolola ya Nkolo oyo elakisi bolingo ya Tata mpo na bana na Ye: “Yango wana, Ngai Nkolo, koyebaka mawa oyo esengeli koyela bato ya mabele, nabiangaki mosali na ngai Joseph Smith, Moke, mpe nalobelaki ye uta na lola, mpe na pesaki ye mitindo.”2
Tata na biso ya Lola mpe Mwana na Ye, Yeova, na boyebi ya nsuka uta na ebandeli,3 afungolaki balola mpe eleko ya sika mpo na kotelemela mawa oyo Bayebaki ekoya. Apostolo Paulo alimbolaki mawa oyo ekoya lokola “ntango ya mpasi.”4 mpo na ngai, oyo epesi likanisi ete bokokinisi ya bokabi ya Tata ya Lola mpo na kozala na bomoi na ntango ya mpasi ezali ete tozali lisusu na bomoi na ntango ya litondi.
Wana ezalaki ngai na mpasi ya bozangi makoki na ngai na mposo oyo, nazwaki mayoki ekesena oyo nionso mibale ekitisaki mpe elendisaki ngai: mpo na kotalela maye nakoki kosala te kasi na esika maye nakoki kosala. Nakoki kotatola babosolo ya polele mpe ya motuya ya nsango malamu.
Ezali maloba oyo nakaboli mbala nkama na baoyo bazali na Eklezia mpe mingi oyo bazali bandimi te: “Nzambe azali Tata na biso ya Lola [ya bolingo]. Tozali bana na Ye. … Ye alelaka na biso ntango tozali na mpasi mpe tozali kosepela ntango tozali kosala maye ezali malamu. Alingaka kosolola na biso, mpe tokoki kosolola na Ye na nzela ya losambo ya bosembo. …
“Tata na biso na Lola, apesi biso, bana na Ye, nzela ya… kozonga kofanda na miso na Ye. … Na katikati ya mwango ya Tata na [Lola] ezali Bomikabi ya Yesu Klisto.”5
Tata ya Lola atindaki Mwana na Ye na mabele mpo na komikaba mpo na masumu ya bato banso. Mpo na bosolo ya polele mpe ya motuya wana napesi litatoli na ngai, na nkombo ya Yesu Klisto, amene.