![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fd0%2F6d%2Fd06d1ff188f50ce50ec56980c0c1c73571044389%2Fd06d1ff188f50ce50ec56980c0c1c73571044389.jpeg/full/!250,/0/default)
Luhlahlfongi Muhtahl Se
Mwe sang sacohk inge ke kuh luhn pristut tiac us muhkwena kunohkohn sefanna tuhsruhktuh mwe insewowo sacohk kacsr sifacna ac nuh sin mwet sahyac.
Tamuhlwel sacohk luhk, nga pruhe ke Nguhn in kol sramsram luhk oyekuh. Oasr ma oacna sie sesr ma kaprikuhtlac tuhkweni. Kuht luhlahlfongiyuck in sruok pristut luhn God in mukwikwi ke Inel. Kuht eisyuck luhlahlfongi muhtahl se inge. Ma yohk enenweyuck sesr.
Kuht riti keDoctrine and Covenants, sapta 121, fuhs 36, “fahk muh lah kuh luhn pristut tiac kuh in fahsrwelihk likina kuh luhn inkuhsrao.” Mwe sang se na wolacna kuht eis tari. Kunohkohn lasr pa in topang ac karihngihn pristut ingen in nwacsnwacs nuh ke mwe insewowo wolacna nohfohn sin Pahpah tuhmasr Inkuhsrao suc el use nuhsesr—ac nuh sin mwet sahyac lasre.
Acn oacna sie kowos som, pristut lowos som yuruwos. Yac kowos tu ke acn muhtahl? Met liki kowos sifacna ac pristut lowos som nuh ke acn kuh wi mukwikwi in ahkkolukye tuhkweni ac oruh kowos in tiac nwacsnwacs in sruok pristut sacn, tui ac motko ke ma in sikyak an. Esam suc kowos an ac ma God el luhngse kowos in sun uh. Kowos pa tuhlihk se luhn olwelah. Kowos pa mukul luhn ma fokoko. Kowos pa wen se nuhtin God.
Mwe sang sacohk inge ke kuh luhn pristut tiac us muhkwena kunohkohn sefanna tuhsruhktuh mwe insewowo sacohk kacsr sifacna ac nuh sin mwet sahyac. Lwelah kuht, ke kuhtwena acn kuht oasr oyac, mukwikwi in nwacsnwacs pacl nuh kwewa kuht in muh kuh in pahgon kuh lal, mweyen kuht nihkihn ke pacl in enenuh lasr kuh pacl wo lasr ac tuhkuh.
Ke Mweun luhn Facluh Ahkluo, kawuck se luhk el kuhlwacnsap ke Pacific Epang ke oaksohk ukacl lihkacsihki fin meoa. El ac mempucr sahyac ke oaksohk okwacl rakkuhsa liki oaksohk fihrihryak sac, elos oraclah oak srihsrihk ukaclos, ac muhta ke oak ingen ke lusen lwen tolu.
Ke lwen tolu elos liye ma elos etuh pa oak molwelah soko. El som ahluhkweloslac. Ke lututacng tok el sulpac som ahluhkweloslac. Elos muhtwacack in suhpwacrlac ke elos akihlen lah pa inge lwen sahflah luhn oak molwelah in oasr ke acn sacn.
Na Nguhn Muhtahl sramsram nuh sin kawuck luhk: “Oasr pristut yurum. Sapkihn mwet molwelah uh in fohlohk in sruhkkowosyak.”
El oruh oacna moklweyuck: “Ke inen Jisus Kraist ac ke kuh luhn pristut, forma nuh sesr ac sruhkkuhtyak.”
Tiac paht oak sokosiskac ah, ac kahsruh elos nuh ke oak soko. Sie mwet luhlahlfongi ac nwacsnwacs suc sruok pristut, ke ohiyac sensen, orekmakihn pristut sac ah, ac ahkinsewowoye moul lal ac moulin mwet sahyac.
Lwelah kuht in sulwaclah, inge ac ingena, in ahkolah suwohs ke pacl lasr luhn enenuh, pacl lasr luhn kuhlwacnsap, pacl lasr luhn mwe insewowo.
Inge kuht ingena ahksahfyelah toeni luhlahp luhn pristut se inge, nga fahk nuh suwos kowos pa “mutanfahl se ma suleyukla, mwet tol lun Tokosra” (1 Peter 2:9). Lwelah kuht in nwacsnwacs ke mwe kaksak lucng, nga pruhe ke insiyuck nohfohn ke inen Jisus Kraist, Mwet Lahngo lasr, amen.