Acn Nuh kwewa Ma Oasr Mwet Luo kuh Tolu Tuhkweni We
Fin kom porongo ke Nguhn, kom ac konwacack ke fihsracsrlah insiyom, fokokoi luhlahlfongi lom, ac luhpan luhngse lom ke Leum yohkwalihk.
Tamuhlwel ac tahmtahel sacohk wiyuck, nga pain kowos nuh ke Toeni Luhlahp Ahk 186 ke Yac Nuh Kwewa ke Alu luhn Jisus Kraist luhn Mwet Luhlahlfongi ke Lwen-sahflah uh. Nga engan in wi kowos, ac nga pain kowos ke luhngse aholuhllah Prestuhn Thomas S. Monson, mwet pahluh moul luhn God.
Kowos tuhkuh nuh ke toeni uh in puhla moklweyuck sin God ac in puhla fototoeni nuh sin Pahpah tuhmasr Lucng ac nuh sin Leum.
Tuhkweni ke miting se inge, suc broadcast nuh fin facluh nohfohn, pa miliacn sin mwet tuhma lutlut luhn Jisus Kraist suc orwaclah olwelah in esamuhl pacl nuh kwewa ac kuhlwacnsuhpwacl. Ke srihpen technology mihsenge uh, kuht nohfohn puhla in tuhkweni wi ke miting inge pacl sefanna. Kuht ohsun oacna kuht nohfohn in tuhkweni lun srucwuclsrihsr luhlahp sefanna.
Tuh finne ma yohk srihpac emet liki tuhkweni nuh sie lasr uh pa inen Mwet se kuht fahsrweni kac uh. Leum El olwelah lah finne oasr sie nempuh luhlahp ke mwet tuhma lutlut Lal ke facluh mihsenge, El fah fototo nuh sesr kais sie. El fahk nuh sin u srihsrihk in mwet tuhma lutlut se Lal ke 1829 lah, yen nuh kwewa ma oasr mwet luo kuh tolu tuhkweni nuh sie ke Inel , El fah inmahsrlolos—ac lah El finne inmahsrlolos ke pacl sacn (liye D&C 6:32).
Kuht ingena puhs liki mwet se kuh luo, ac pa sie u luhn mwet tuhma lutlut Lal fahsrweni ke toeni se inge, ac oacna El olwelah ah, Leum El oasr inmahsrlosr. Ke srihpen El sie mwet sifil moulyak ac in wolacna, El tiac oasr yen nuh kwewa in mahno ke acn ma Mwet Luhlahlfongi tuhkweni we. Tuh, ke kuh luhn Nguhn, kuht kuh in puhla lah El oasr inge yohrohsr mihsenge.
Oyac ac ngac kuht puhla fototo luhn Mwet Lahngo uh wiwina kais sie sesr. El sang mwe ahkuhtweyac se inge lah
kuht enenuh in motko fahk Lal ke insiyacsr, ac El use masap tuh kuht enenuh in pahng nuh Sel ke El fototo nuh sesr uh.
El fahk lah kuht enenuh in fototoeni nuh Sel ac El fah fototoeni nuh sesr. Kuht enenuh in kalweni in sokol ac kuht ac fah Sokuhlwack. Kuht enenuh in siyuck, ac kuht fah eis. Kuht enenuh in tongtong, na ac fah ikacklah nuh sesr (liyD&C 88:62–63).
Nga etuh mwet luo na suc lohng mihsenge suc kena mwe insewowo ingacn ke kena lalos emet. Elos ac fah srihke na upac in fototoeni nuh sin Leum ke pacl in toeni se inge. Ke lwacta elos sihmihs nuh sihk—suc kwewana tuhkuh nuh lun ohfohs luhk ah ke wik sefanna—elos tuhkweni siyuck ke kain kahsruh sefanna.
Kwewana selos pa mwet sasuc ke Alu uh ac tuhfahna eis fahkwack luhlahlfongi suwohs ke luhngse luhn God Pahpah ac ke Wen Nahtuhl, Jisus Kraist, Mwet Lahngo luhn Facluh. Elos etuh lah Mwet Pahluh Joseph Smith el oraclah Alu uh ke fwackyuck suwohswohs sin God ac lah ki muhtahl luhn pristut uh fohlohkihnyuckyak. Kwewana puhla sie mwe lohoh lah ki uh oasr ke Alu uh mihsenge. Elos fahkwack ma ingacn ke mwe lohoh muhtahl nuh sihk ke lwacta lalos.
Tuhsruhktuh kwewana puhla toasr ke luhngse nuh sin Leum ac luhngse Lal nuh selos srihkweni. Elos kwewana kena, ke kena yohk, nuh sihk in kahsrwelos in sifilpac eis engan sacn ac puhla in luhngseyuck elos puhla ke elos tuhfahna tuhkuh nuh ke tohkohsrahi luhn God. Kwewana ahkkahlwemye sie mwe sahngweng muh fin elos koflah in sifil eis nohfohn puhla ke luhngse nuh sin Mwet Lahngo ac Alu Lal, mwe sruhf ac ma upac elos sun uh fah kuhtanglah luhlahlfongi lalos uh.
Elos tiac muhkwena ke elyah lalos uh, oacyacpac mwe sruhf lalos tiac ma sasuc se. Ke orekma fin facluh Lal, Mwet Lahngo El use nuh sesr puhpuhlyuck ke fihtac ac mwet yok. Fihtac uh pa kahs luhn God. Mwet yok pa Leum. Sruhnwack luhn fihtac sac ac kap kac an wiwina woiyacn fohk uh. Kom esam kahs Lal:
“Ke el sisalik fita uh nu fin fohk uh, kutu fita uh putatla nu sisken inkanek inima uh, ac won uh tuku kangla:
“Kutu putatla nu yen eoteot, yen minini fohk fac: tia paht na fita uh srunak, mweyen soloal fohk uh:
“Tusruktu ke faht uh takak, sacn ma srunak uh folla ac uli, ke sripen srikla fohk nu ke oka.
“Kutu fita uh putatla inmasrlon kokul uh; su kapak, ac kupoiya sacn ma kapak we:
“A kutu fita uh putatla nuh fin fohk wo, ac kapak ac isus fahko puspis, kutu pacl siofok, kutu pacl onngoul, ac kutu pacl tolngoul.
“Ac Jisus el fahk, ke ma inge kowos porongo, fin oasr srewos!” (Matthew 13:4–9).
Ngwac sifil fahk, fihtac pa kahs luhn God. Fohk uh pa insiyacn mwet suc eis fihtac sacn.
Kuht nohfohn puhs ma oacna sie la ke mwet wolacna suc sihm nuh sihk ke kahsruh ac in ahkkweyelah. Oasr fihtac lasr nohfohn, kuh kahs luhn God, fihliyucki insiyacsr ke kuhtuh pacl. Nuh sin kuhtuh, ke pacl kuht tuhlihk ke ninac pahpah kiyacsr uh suli kuht in pacptaislac ac ahkkweyeyucklac sin mwet wal uh. Kuhtuh sahyacsr lutiyuck ke mwet kuhlwacnsap pahng luhn God. Kais sie puhla lah fihtac sac wo, finne puhla kuh luhn God kapwack insiyacsr, ac puhlakihn pwacr ke luhngse ac etwacack yohkwelihk uh.
Kuht nohfohn srihkeyuck luhlahlfongi lasr uh ke mwe ahkinsewowo kohlohkihn uh, lainyuck koluk sin mwet suc kena in kuhnahoslah luhlahlfongi lasr, srihfeyuck in oruh ma koluk, ac inse srihsrihk ma ahksrihkyelah kuh lasr in ahkolah ac ahkfihsrwacsrye insiya.
Mwet suc ahsor ke wacngihnlac luhn pwacr elos eis sie pacl ah pa mwe insewowo uh. Kuhtuh koflah liye ke luhlahlfongi wacngihnlac insiyaclos uh. Setuhn el suhmaht. El fahk nuh sin mwet el kena in puhla toasr uh muh ma pwacr elos tuh puhlah sie pacl ah pa ma luhn tuhlihk in sifacna ahkfohsye.
Mihsenge pweng luhk nuh sesr nohfohn uh fah pa sie pacl sacohk ke lwen ekahsr fahsruh uh in sulaclah in ahkfihsrwacsrye insiyacsr ac in eis ac kahsruh sie fihtac. Fihtac se pa kahs luhn God, ac ac fah sang nuh sesr nohfohn suc lohng, liye, ac riti ma sramsramkihnyuck ke toeni luhlahp se inge. On, sramsram, ac fahkwack luhlahlfongi uh ahkoeyucklac sin mwet kuhlwacnsap luhn God suc kalweni in suk ke Nguhn Muhtahl in kohlohlos ke ahkolah lalos. Elos ahkyohkye pruhe ac inse puhsisacl ke pacl in toeni se inge fototoeni uh.
Elos pruhe in eis kuh in ahkweyekom ke sulwaclah ma e ahkfahsrweyuck ke insiom sie fahko wo ke orekma wo luhn God ma e kapkapwack ac puhkantwen. Kom fin lihpsrwe Nguhn, kom ac puhla mihs luhn insiom, luhlahlfongi lom ac fokokoi, ac luhngse lom nuh sin Leum ac yohkyohkwelihk.
Sulaclah lowos in pruhe ke kuh nuh kwewa insiyowos ac fah ekuhllah puhlakihn lowos ke pacl in toeni uh ac ke lwen ac mahlwem fahsruh uh.
Puhs suwos muhtwacwacack tari. Ke muhtwacwacackiyacn tuhkweni se inge, kowos oruh yohk likina in lohng ke pruhe; kowos sang luhlahlfongi lowos uh nuh ke mwe siyuck ma kuht fah engankihn mwe insewowo ke eisyacn Nguhn Muhtahl yohk nuh sesr. Ke kowos sang mwe siyuck ke puhsra mihs ke inen Jisus Kraist, kowos ac fototoeni nuh Sel. Ma inge pa toeni Lal. Nguhn Muhtahl muhkwena kuh in us mwe insewowo Leum El kena kacsr, El olwelah muh kuht kuh in puhla lah:
Ma nuh kwewa mwet kuhlwacnsap Lal ac fah fahk ke elos moklweyuck ke Nguhn Muhtahl pa ma suhmuhslah uh, pa kena luhn Leum, nuhnak luhn Leum, kahs luhn Leum, puhsra luhn Leum, ac kuh luhn God nuh ke molwelah moul uh.
Ma inge pa olwelah luhn Leum nuh sesr.
Pa oruh, kuht enenuh in pwacrack, ac kuht enenuh in tiac sahngweng, ke srihpen Leum El wi kuht ac fah tu siskacsr. Ac kuht enenuh in mwet lohoh lah Jisus Kraist pa Wen nuhtin God suc moul, ac El oasr met, El oasr ingena, ac El oasr ke pacl fahsr uh (liye D&C 68:4–6).
Pacl nuh kwewa mwet kuhlwacnsap luhn God tuyak met ah uh, kowos kuh in pruhe ac sang luhlahlfongi muh olwelah luhn Leum ke Doctrine and Covenants ip ahk 50 ac fah sikyak.
Ke fahkwack luhn olwelah ingacn, Leum El siyuck lah mwet suc akmuhsralah Sel ac fahsr in luti kahs pwacye sin Mwe Ahkkweye sac, ke Nguhn pwacye kuh kuhtuh ohiyac sahyac.
“Ac fin ohiyac sahyac, tiac ma luhn God.
“Ac El siyuck fin el suc eis kahs luhn pwacye eis ma ingacn ke Nguhn luhn pwacye kuh ke ohiyac sahyac uh.
“Fin ohiyac sahyac uh, tiac ma sin God.
“El suc eis kahs ke Nguhn pwacye uh ac eis ke ohiyac ma fwackyuck sin Nguhn pwacye uh?
“Pa oruh, el suc fahkwack ac el suc eis kahlwem sie sin sie, ac kwewana kapwack ac tuhkweni engan (liye D&C 50:17–22).
Kowos kuh in pruhe ke choir uh ac on uh. Mwet kol luhn choir, mwet ohkohn an, ac mwet ke choir an pruhe ac pracktis ke pruhe insiyaclos ac ke luhlahlfongi lah on ac kahs an fah ahkfihsrwacsrye ac ahkyohkye kuh lalos in muhsahelah luhlahlfongi luhn mwet sahyac an. El fah orwaclah nuh sin Leum oacna El oasr inge in liye, etuh lah Pahpah tuhmasr Lucng El lohngohlos oacna ke El lohng pruhe sifacna lalos uh. Elos tuhkweni orekma ke luhngse uh in ahkfalye ke olwelah ma Mwet Lahngo El orwaclah nuh sel Emma Smith ke El fahk nuh sel lah nguhnal enganwack ke on insiyac uh, ac on luhn mwet suwohswohs uh oacna sie pruhe nuh Sel, ac El fah topuk ke sie mwe insewowo nuh faclos (liye D&C 25:12).
Kom fin tiac lohacng muhkwena tuh pruhe pac ke elos on uh, pruhe lowos ac pruhe lalos uh fah topukyucklac ke sie mwe insewowo nuh feiwos oacpacna nuh faclos. Kowos fah puhla mwe insewowo ke luhngse ac ahkkweye luhn Mwet Lahngo. Mwet nuh kwewa suc wi ke kaksak se inge fah puhla luhngse lalos nuh Sel in kapwack.
Kowos kuh in sulaclah in pruhe ke sie mwet sramsram ac apkuhran in ahksahfye pweng lalos an. El fah pruhe ke insiyacl nuh sin Pahpah tuh Nguhn Muhtahl fah sang nuh sel kahs ke fahkwack luhlahlfongi ma ac sruhkwack insiyac, finsrak ac nuhnak luhn mwet lohng an in esam pacl nuh kwewa Mwet Lahngo ac liyacacng masap ma El use nuh sesr.
Fahkwack luhlahlfongi uh fah tiac sie pohloh kahs ke pweng uh. Ac fah sie mwe ahkkweye ke kuhtuh ma pwacye lah Nguhn kuh in us nuh insiyacn mwet suc fah pruhe ke kahsruh, nuh ke kolyuck wolacna, ac in eis luhngse nwacsnwacs luhn Kraist.
Fahkwack luhlahlfongi pwacye fah ituckyang nuh sin mwet sramsram uh. Kahs lalos uh kuh in suhpuhs, tuhsruhk kahs ingacn fah tuhkuh nuh insiyacn mwet lohng puhsisacl suc tuhkuh nuh ke toeni uh kena yohk in eis kahs luhn God.
Nga etuh ke puhlakihnyuck ma luhlahlfongi luhn mwet wo uh kuh in oruh in oraclah kahs sin Nguhn me ke sahflahiyacn sie luti. Puhs liki pacl se, sie mwet tuh fahk nuh sihk tukun fahkwack luhlahlfongi luhk, “Kom etuh fuhkah ma nga enenuh in lohng uh?” Nga lotwelah in tiac lut ke nga tiac esam in fahk kahs ah. Nga sruhmuhn kahs ke fahkwack luhlahlfongi uh, tuh Leum El oasr we, use kahs ingacn ke nga enenuh uh. Olwelah ma Leum El fah use nuh sesr kahs ke pacl se na kuht enenwaclos uh kuhpahsr nuh ke fahkwack luhlahlfongi uh (liye D&C 24:6). Lohng ahkwoyac nuh ke fahkwack luhlahlfongi orek ke toeni se inge—kowos fah puhla fototoeni nuh sin Leum.
Kom kuh in puhla lah nga tuhkuh nuh ke pacl se ke nga fah akihlenwack pweng nga srihke in tahfuh ke sie fahkwack luhlahlfongi ke ma pwacye. Pruhe lowos an fah kahsrweyuc in sang kahs ke fahkwack luhlahlfongi ma kuh in kahsruh sie mwet kena nuh ke sie top ke kihsen siyuck lal an.
Nga fihliyac yuruwos mwe ahkpwacyeye fokoko lah Pahpah tuhmasr Inkuhsrao, Elohim fuhlwact, El luhngse ac etwekuht, kais sie nohfohn. Ye kol Lal, Wen Nahtuhl, Jehovah, pa Mwet Orwaclah sac. Nga fahkwack luhlahlfongi lah Jisus luhn Nazareth El isuslac Wen nuhtin God. El ahkkweyelah mwet mas, sang liye nuh sin mwet kun, ac ahkmoulyeack mwet misac. El molwelah luhpah nuh kwewa ke ma koluk luhn kais sie tuhlihk nuhtin Pahpah Lucng isuslac nuh ke moul sukawihl. El kuhnahoslah mwe kapihr luhn misac nuh sin nohfohn ke El moulyak liki luhf sac ke Istuh in Sacnri Se Emet. El moul mihsenge, ac El sie God—sifil moulyak ac wolacna.
Pa inge Alu pwacye sefanna, ac El pa yot insroasrihk kac uh. Thomas S. Monson pa mwet pahluh Lal nuh fin facluh nohfohn. Mwet pahluh ac mwet sap kowos fah lohng ofong ke toeni se inge ac sramsram luhn Leum. Elos pa mwet kuhlwacnsap Lal,S akmuhsralah in orekma Kacl. El kol mwet kuhlwacnsap Lal fin facluh. Nga etuh ke ma inge. Aa nga mwet lohoh kac ke inel, finne Jisus Kraist, amen.