![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb1%2F40%2Fb1403e1327e96408a23245e1c2bf64c860f31e47%2Fb1403e1327e96408a23245e1c2bf64c860f31e47.jpeg/full/!250,/0/default)
Council luhn Sucu
Ke pahpah ac ninac uh ahkolah ac tuhlihk uh lohng ac wi sramsram uh, sie sin se luhn sucu uh orekma na pwacye!
Tamuhlwel ac tahmtahel, oasr ma siena tuh pwacye ke in pahpah ac ninac ma kuht etwaclah wo tukun tuhlihk nahtuhsr uh mahtuhlah. Nga ke akacsruhi yuruwos oyekuh sie ma nga tuh finsrak in kahlwem wo likina ke Barbara ac nga tuhfahlah tuhlihk nahtuhsr ah.
Ke puhlan pacl in mwet sap luhk ah, nga kwacna sramsram ke kuh ac yohk srihpaciyacn sie sin se ke Alu, wi pac sie sin se ke misin, stek, ward, ac u srihsrihk luhn alu.
Nga luhlahlfongi lah sie sin se pa ohiyac wo emet ke eis koanon ma pwacye. Oacyacpac, nga etuh lah Leum El orekmakihn sie sin se ac El oraclah ma nuh kwewa ke inkuhsrao ke sie sin se inkuhsrao, oacna fwackyucklun ma suhmuhslah muhtahl uh.1
Nuh ke ingena, tuhsruhktuh, nga soenna sramsram ke toeni luhlahp uh ke sie sin se ma fihsrwacsr ac yohk—ac sahp ma yohk srihpac emet—ke sie sin sie nuh kwewa: sie sin se luhn sucu.
Sie sin sie luhn sucu uh enenweyuck pacl nuh kwewa. Pwacyena, elos pa, ma pahtpaht. Kuht wi sie sin sie luhn sucu ke moul lasr met liki kuht tuhkuh nuh facluh, ke kuht moul yurin pahpah ac ninac kiyacsr inkuhsrao oacna tuhlihk nguhn nahtuhlos.
Sie sin se luhn sucu se, ke oracni ke luhngse ac ke ohiyacn mukwikwi luhn Kraist, kuh in ahksrihkyelah ma koluk ke technology mihsenge ma kuh in eislah pacl lasr likina sang pacl wo lasr in tuhkweni sie sin se ac kuh in us ma koluk nuh in lohm sesr uh.
Nuhnak muhnahs esam lah sie sin se luhn sucu uh pa ma sienna liki ekuh in toeni luhn sucu orek ke Mante uh. Ekuh in toeni uh lohacng yohk nuh ke mwe lutlut ke wosasuc ac mukwikwi luhn sucu uh. Sie sin se luhn sucu, ke ma sahyac, kuh in orek kuhtwena lwen ke wik, ac elos pa toeni ma pahpah ac ninac ac lohng—nuh sie sin sie ac nuh sin tuhlihk nahtuhlos.
Nga luhlahlfongi lah oasr kain sie sin se luhn sucu ahkosr:
Ma se met, sie sin se luhn sucu ma sucu sacn nohfohn wi.
Ahkluo, sie sin se wal luhn sucu ma ninac se ac pahpah wi.
Ahktolu, sie sin se pakpucki luhn sucu ma pahpah ninac ac tuhlihk se na wi.
Ahkahkosr, kais sie sie-sin-se luhn sucu uh ma pahpah se kuh ninac se ac tuhlihk sena wi.
Ke kain sie sin sie luhn sucu nohfohn inge, electronic devices uh enenuh in kuniyucklac mwet nuh kwewa in muh kuh in liye ac lohng sie sin sie. Ke pacl in sie sin se luhn sucu ac ke pacl wo sahyac uh, sahp kowos ac luhngse sie fohtoh in electronic device na ke pacl mwet nuh kwewa tuhkweni—wi pac Pahpah ac Ninac—kuh in sang phone, tablet, ac MP3player nahtuhlos nuh ke fohtoh sacn. Na, elos kuh in tuhkweni asramsrami sahyacn in srihfeyuck in topuk ke sie poke luhn Facebook, text, Instagram, Snapchat, ac email alerts.
Lwelah nga in akacsruhi ohiyac kowos kuh in oruh kain sie sin se luhn sucu se inge.
Ma se met, sie sin se luhn sucu sacn nohfohn enenuh mempucr nuh kwewa ke sucu an.
Puk srihsrihk luhn Alu uh ma pahngpahngOur Family fahk, “Sie sin se inge kuh in ohsun in sramsram ke elyah luhn sucu, sulwaclah fuhkah in orekmakihn mani, oraclah plwacn, ahkkweye ac ahkfokokoye kais sie, ac pruhe ke kais sie ac u luhn sucu.”2
Sie sin se inge enenuh ohsun ke pacl suleyucklac ac inkaiyacn pacl uh orek ke ohiyacn tahklah yohk likina kain council sahyac luhn sucu.
Elos enenuh in muhtwacwacack ke pruhe, kuh kuh in ana tahfwelah sramsram ma muhtwacwacack tari ke ma sahyac. Nuhnak muhnahs etuh lah sie sin se luhn sucu uh kuh in muhtwacwacack kuh sahflah ke ma tiacna plwacnlac kuh tahklac.
Ke pahpah ac ninac uh ahkolah ac tuhlihk uh lohng ac wi sramsram uh, sie sin se luhn sucu uh orekma na pwacye!
Finne fuhkah ohiyac sucu lasr uh oasr kac, pa arulacna yohk srihpac kuht in kahlwem ke ohiyac sienna luhn kais sie mempucr ke sucu uh. Finne kuht akacsruhi DNA, sahp oasr ma kuh ohiyac inmahsrlo ma oruh kuht kais sie insiena ac sahp enenuh kahsruh ke luhngse ke sie sin se luhn sucu an.
Nuh ke sie srihkasrak, sramsram ac akacsruhi ac luhngse nohfohn luhn facluh sahp tiac kuh in ahkwoye elyah medical kuh ma upac ke puhla tuh sie kuh yohk puhs sin mempucr ke sucu an sun. Ke kain pacl inge, sie sin se luhn sucu an ac ekihn acn in tuhkweni, luhlahlfongi, ac ahkkweyeyuck ke luhngse ke kahsruh sahyac sikyak in kahsruh sokwack top nuh ke elyah an.
Tuhlihk an, yohk nuh ke ma mahtuh an, kuh in ekihn mwet luti kuh nuh sin tuhlihk fuhsr an fin pahpah ac ninac an orekmakihn sie sin se luhn sucu in siyuck kahsruh lalos ac ahkkweye ke pacl upac uh.
Ke ohiyac se inge, sie sucu oacna sie ward. Ke pisap el orekmakihn mempucr ke ward council an, el kuh in ahkwoye elyah ac ahkfalye ma wo yohk ke ohiyac el tiac kuh in sifacna oruh uh. Ke inkacnek sacn pacna, pahpah ac ninac uh enenuh in orekmakihn mempucr ke sucu an in kuhtanglah ma upac ac mwe sruhf. Ke ohiyac inge, kuh ke sie sin se luhn sucu an ac orekmakihnyuck. Ke mempucr luhn sie sin se an puhla lah elos wi ke ip in sulwaclah uh, elos muhtwacwacack in wi ahkkweye ac ma wo kuh in sikyak kac.
Tiac sie sin se nuh kwewa luhn sucu uh oasr pahpah ac ninac ac tuhlihk. Sahp sie sin se luhn sucu lowos luhman arulacna siena nuh ke sie sin se luhn sucu luhk ke kuht tuhfahlah tuhlihk itkohsr nahtuhsr uh. Mihsenge, sie sin se luhn sucu lasr uh muhkwena pa Barbara ac nga sifacna, kuht fin tiac oracni sie sie sin se luhlahp luhn sucu yohk ma wi tuhlihk mahtuh nahtuhsr, mukul kuh muhtwacn kiyaclos, ac kuhtuh pacl tuhlihk nuhtin nahtuhsr ac tuhlihk nuhtin nahtuhlos.
Elos suc pa mwet lolacp ac wi pac mwet lutlut suc tiac muhta ke lohm ac kuh in ukwe mwe lutlut wolacna luhn sie sin se ke elos tuhkweni yurin kawuck ac mwet suc muhta yohrohlos in tuhkweni sramsram.
Motko ke puhla lun sie apartment ma kuh in eklac fin roommate sacn tuhkweni kais kuhtuh pacl in tuhkweni pruhe, lohng, sramsram, ac plwacn.
Mwet nuh kwewa kuh in ekuhllah orekmakihn ma wo ke sie sin se luhn sucu an nuh ke ohiyac oreklac sin Pahpah luhngse se tuhmasr Inkuhsrao.
Oacna nga fahk piacngsac, kais kuhtuh pacl sie sin se luhn sucu nohfohn uh kuh in kahsruh. Sie sin se luhn sucu tuhtahflah kuh in oasr mwet mahtuh ac tuhlihk mahtuh suc tiac muhta lohm ah. Finne mwet mahtuh kuh tuhlihk mahtuh an muhta loeslac, elos kuh in wi oruh sie sin se luhn sucu ke telephone, Skype, kuh FaceTime.
Kowos kuh in oruh sie sin se oacna sie luhn sucu ke Sacnri, ke lwen se emet ke wik; sucu an kuh in liye ma sikyak ke wik tari ah ac plwacn ke wik fahsruh uh. Sahp ma inge kuh in pa ma sucu lowos an enenuh in kahsruh orwaclah lwen in Sahpuht in lwen wolacna se.
Kain sie sin se ahkluo luhn sucu uh pa sifacna sie sin se luhn sucu ma pa pahpah ac ninac muhkwena. Ke pacl se inge, pahpah ac ninac uh kuh in liyacng mwe enenuh ke mahno, nuhnak, ac nguhn luhn kais sie tuhlihk ac kapkapwack lalos.
Sifen sie sin se luhn sucu anpa pacl wo nuh sin muhtwacn kiyac ac mukul tuhma in sramsram ke akuhpahsri sifacna lalos yurin sie sin sie. Ke Elder Harold B. Lee el oruh akwuck luhn siliyac lasr ah, el luti kuht ip yohk se ma nga luhlahlfongi muh siyacnyacn nuh kwewa kuh in konwacack in kahsruh. El fahk, “Tiacna som mutullac met liki kowos sikuckmuhtuhntei, sruok paho, ac pruhe tuhkweni. Kain pruhe inge suli Pahpah Lucng in kai kuht ke kuh luhn Nguhn.”
Kain sie sin se luhn sucu ahktolupa sie sin se srihsrihk luhn sucu. Inge, kwewana pahpah ac ninac uh sang pacl yurin sie tuhlihk nahtuhlos ke ohiyac plwacnlac kuh tiac. Pa inge pacl wo in sramsram ke oruh sulwaclah met ke kain ma oacna el fin ke oruh kuh tiac oruh ma se ke pacl fahsruh. Ke sulwaclah an oreklac, elos kuh in suhmuhslah ma ingacn in orekmakihn ke pacl fahsruh fin enenweyuck. Fin tuhlihk nuhtuwos liye kowos ke mwet ahkkweye, toeni luhn council inge kuh in oraclah finsrak ac plwacn ke pacl fahsruh. Pa inge pacl wo pac in lohng ke elyah ac mwe upac yohk ma tuhlihk an sahp ohsun nuh ke ma oacna se irpiht, ahkkolukyeyuck, fuhnmwet, kuh sahngweng.
Kain sie sin se ahkahkosr luhn sucuuh pa kais sie sie sin se luhn sucu ke pahpah kuh ninac sefanna ac tuhlihk se. Kain sie sin se luhn sucu inge apkuhran in sikyak pacl nuh kwewa. Nuh ke mwe rrihkasrak, pahpah kuh ninac ac tuhlihk uh kuh in eis pacl mwesahs ke kahruhsr ke stosah kuh orekma lohm ah. Sie pacl ma sie tuhlihk som forfor wi pahpah kuh ninac an kuh in sang pacl sacohk in tuhkweni ke ma luhn nguhn ac puhla. Orwaclah kain pacl inge na met tuhlihk an in muh kuh in ahkolah nuh kac ac rahrahlac nuh ke pacl sacohk yohk srihpac muhkwena yurin Ninac sacn kuh Pahpah sacn.
Inge, tamuhlwel ac tahmtahel, pacl somlah ah pihsinkac lun lohm sesr uh karihngihn kuh nuh kwewa kuht enenuh likina ma koluk nuh kwewa in lain ma koluk kuh srihfeyuck in utyak. Kuht sruhmasrlah sruhnguhl, kaliyac winto uh, ac kaliyac motonwac uh, ac kuht puhla sef ac karihngihnyuck ke lohm srihsrihksesr likina lihkihnfacluh.
Ohiyac mihsenge uh siena. Pihsinkac, sruhnguhl, kalkal, ac motonwac ke lohm sesr uh tiac kuh in karihngihn kuht likina ma koluk ke Internet, Wi-Fi, ac network luhn mobile phone. Elos kuh in utyak nuh ke lohm sesr ke kuhtuh click ac pahtokyen mouse uh.
Tuhsruhktuh, Leum el use ohiyac se in lain ma koluk ke technology ma kuh in lusrongkuhtlac liki pacl wo yurin sie sin sie. El oruh ma inge ke oraclah kuhfa luhn un mwet in kahsruh in ahkfokokoye, karihngihn, kahsruh, ac ahkyohkye akuhpahsri sacohk emet.
Tuhlihk uh enenuh yohk kena lohacng luhn pahpah ac ninac nuhselos, ac sie sin se luhn sucu uh kuh in sang pacl se ma mempucr luhn sucu uh kuh in lotwelah in kahlwem ac luhngse sie sin sie.
Alma el luti, “Suk kahsruh sin Leum ke orekma nuhkwewa lom, ac El fah kol kom ke wo.”3 Suli Leum in wi ke sie sin se luhn sucu lasr nuh ke pruhe fah ahkwoye akuhpahsri lasr nuh sie sin sie. Kuht kuh, ke kahsruh luhn Pahpah Lucng ac Mwet Lahngo lasr, eklac mongfihsracsr, okak, ke kahsruh, nuhnak muhnahs, ac kahlwem yohk likina met ke kuht pruhe nuh ke kahsruh. Ke kahsruh Lalos, kuht kuh in oraclah lohm sesr facluh inge in oacna in kihtin inkuhsrao.
Sie sin se luhn sucu se ma ukwe atacn sie sin se inkuhsrao, sesseslah ke luhngse luhn Kraist, ac kolyuck ke Nguhn luhn Leum, fah kahsrwe kuht in karihngihn sucu lasr liki mwe ahkfohs ma kuh in tuhkweni eslah pacl sacohk lasr ac karihngihn kuht liki ma koluk luhn facluh.
Wi pac ke pruhe, sie sin se luhn sucu uh kuh in suli Mwet Lahngo in wi oacna ke El olwelah: “Tuh yen nukewa ma oasr mwet luo ku tolu tukeni ke inek, nga fah welulos pac.”4 Suli Nguhn luhn Leum in wi sie sin se luhn sucu lowos use mwe insewowo koflah ahkuhtweyucki.
Sahflahiyac, nuhnak muhnahs esam lah sie sin se luhn sucu ma oreklac kais kuhtuh pacl fah kahsrwe kuht in sa in liye elyah ac ahkwoye met liki yohkwaclihk; elos ac sang kais sie mempucr luhn sucu sie puhla in yohk srihpac; ac ma yohk liki nuh kwewa elos fah kahsrwe kuht in orwaclah wo ac engan likina met ke akuhpahsri sacohk lasr; lun pihsinkacn lohm sesr uh. Lwelah Pahpah Lucng elan ahkinsewowoye sucu lasr ke kuht sie sin se tuhkweni, nga pruhe ke ohiyacn puhsisacl ke inen Leum Jisus Kraist, amen.